Local News
Nin qarxiyay masaajid Minnesota ku yaala ayaa lagu xukumay 53 sanno oo xabsi ah
Maxkamad ku taala magaaladda Minneapolis ee gobolka Minnesota ayaa 53 sanno oo xabsi ah maanta ku xukuntay ninkii hoggaamiyaha u ahaa, kana dambeeyay abaabulka qaraxii sida ula kaca ah loola beegsadday masaajidka Dar Al-Faaruuq ee ku yaala magaaladda Bloomington, gobolka Minnesota.
Garsoore Donovan Frank oo ah garsooraha Maxkamadda Federaal gobolka Minnesota ku gaaray go’aanka ninkan loogu xukumay 53 sanno oo xabsi ah ayaa sheegay in caddeymaha maxkamadda la horkeenay ay muujinayaan Emily Claire Hari, horeyna loogu yaqaanay(Michael Hari) uu ku kacay “fal aad u xun” oo argagixiso ah, taas oo ka hor imaanaysa xorriyadda diinta ee uu damaanad qaaday Dastuurka Dalka Mareykanka.
Sidoo kale Garsooraha ayaa sheegay in Ninkan iyo koox uu hogaaminayey ay soo qaadeen weerar loogu talagalay in lagu “cabsigeliyo, lagu argagaxiyo Masaajid ah goobta cibaadada Islaamka.”
Taariikhdu marka ay ahayd Aug. 5, 2017 ayaa ninka maanta 53 sanno ee xabsiga ah la xukumay iyo labbo nin oo kale Michael McWhorter oo 31 sanno jira iyo Joe Morris oo 25 sanno jira oo uu isagu hogaaminayey waxay qarxiyeen masaajidka Dar Al-Faaruuq, xili laga baxay salaadii subax.
Labadda nin ee kale ayaa iyagu horey u qirtay in ay dambigan ku lug lahaayeen, waxayna ogolaadeen in ay ku markhaati furaan ninkan isagu hoggaaminayey. Hogaanka iyo culumadda masaajidka ayaa soo dhoweeyay xukunka iyo xabsiga ninkan lagu riday.
Local News
Hudda Ibrahim oo xil loo magacaabay islamarkaana ay ansixiyeen guddiga golaha deegaanka magaaladda Saint Cloud
Saint Cloud – Guddiga golaha deegaanka magaaladda Saint Cloud ee gobolka Minnesota ayaa Dr. Hudda Ibrahim u magacaabay in ay kamid noqoto guddiga gollaha deegaanka magaaladda Saint Cloud. Hudda ayaa qabanaysa xilkii uu hayey Jake Anderson oo bishii November loo doortay in uu noqdo duqa magaaladda Saint Cloud.
Dr. Hudda Ibrahim ayaa waxaa u codeeyay dhamaan xubnaha guddiga gollaha deegaanka magaaladda Saint Cloud ee gobolka Minnesota. Dr. Hudda Ibrahim ayaa taariikh cusub ka dhigtay magaaladda Saint Cloud. Waxay noqotay qofkii u horeeyay ee Soomaali ah ee xil dowladeed ka qabta magaaladda Saint Cloud.
Xigashadda sawiradda: Xidig TV
Local News
Magaaladda St. Paul oo bixisay deymo lagu lahaa 32,000 oo qof
SAINT PAUL – Magaaladda St. Paul ee gobolka Minnesota ayaa bixisay dhamaan deymo la xiriira caafimaadka oo lagu lahaa 32,000 oo qof oo deggen magaaladda. Duqa magaaladda St. Paul iyo shaqaalaha howshan ka shaqeeyay ayaa todobaadkan waraaqo u diraya 32,000 oo qof oo ay u sheegayaan in dhamaan wixii dayn caafimaad ee lagu lahaa laga bixiyay, lagan tirtiri doono.
Arrintan oo aad loo hadal hayo ayaa waxaa balanqaaday duqa magaaladda St. Paul Melvin Carter markii uu ku jiray ololaha doorashadda ee dib loogu doortay. Haddaba magaaladda St. Paul ayaa tirtirtay daymo qiimo ahaan ah $40 milyan oo ah daymo la xiriira caafimaadka oo lagu lahaa dadka deggen magaaladda. Duqa magaalada St. Paul Melvin Carter ayaa sheegay in qorshahan looga golleeyahay in taageero la siiyo dadka daynta lagu leeyahay ee deggen magaaladda St. Paul si culeyksa dhaqaale looga qaado, loona garab qabto oo loo kaalmeeyo.
Local News
NINKII SHANTA GABDHOOD SHILKA KU DILAY OO DIIDAY HESHIIS QIRASHO AH, GO’AANSADAYNA IN MAXKAMAD LA HORGEEYO
MINNEAPOLIS – Derrick Thompson oo ah ninkii shanta gabdhood ee Soomaalida ah shil gaadhi ku dilay ayaa diiday heshiis qirasho ah oo ay haweenayda ah Xeer-ilaaliyaha Degmadda Hennepin soo hordhigtay, balse ninkan ayaa sheegay in uu beddelkeeda maxkamadayn doonayo. Ninkan ayaa ku eedaysan dil darajada saddexaad ah iyo dil baabuur oo lagu eedeeyay in uu baabuur ku dhacay oo uu dilay shan gabdhood oo saaxiibo ah isaga oo ka baxsanaya booliiska.
Bishii hore ayeey maxkamad heer federaal ah ninkan ku heshay dhowr dembi oo la xiriira dilka gabdhaha. Qareenada Degmadda Hennepin ayaa xaqiijiyay in Derrick Thompson iyo qareenada difaacaya ay diideen heshiiska qiraalka ah, iyaga oo door biday in dacwadda la billaabo Febraayo 18, 2025 oo maxkamad la aado.
Derrick Thompson ayaa lagu soo oogay shan dacwadood oo kala ah dil darajada saddexaad ah iyo 10 fal dambiyeed dil baabuur ah oo sababay dhimashada shan gabdhood oo dhallinyaro ah oo da’doodu u dhaxayso 17 ilaa 20 jir: Salma Mohamed Abdikadir, Sahra Liban Gesaade, Sagal Burhaan Hersi, Siham Adan Odhowa, and Sabiriin Mohamoud Cali.
-
Local News6 months ago
Governor Walz Announces Minnesota Ranked as a Top State for Business
-
Local News3 months ago
Celebrating Community: The Inaugural Samafal Gala at the Minnesota Somali Community Center
-
Community4 months ago
Youth Leader and Mentor: Mohamed Jama’s Fight for Change in Whittier
-
Local News6 months ago
Secretary Simon Named President of the National Association of Secretaries of State
-
Local News4 months ago
BCA Identifies man shot by Minneapolis police after firing AK-47 in Minneapolis apartment building
-
Videos3 months ago
Contracting: Mastering the Basics and Beyond – Nov 13th
-
Local News2 months ago
NINKII SHANTA GABDHOOD SHILKA KU DILAY OO DIIDAY HESHIIS QIRASHO AH, GO’AANSADAYNA IN MAXKAMAD LA HORGEEYO
-
Local News2 months ago
Duqa magaaladda Minneapolis Jacob Frey ayaa qorsheynaya inuu mar kale isu soo taago doorashada Duqa Magaaladda