Uncategorized
Ra’iisul wasaaraha oo shir amniga ku saabsan la qaatay Saraakiisha Booliska
Ra’iisul Wasaaraha xukuumadda federaalka Soomaaliya mudane Xasan Cali Khayre oo maanta kormeer shaqo ku tagay xarunta taliska Booliika Soomaaliyeed ayaa kulan la qaatay taliyaha Booliiska Jannaraal Cabdi Xasan Maxamed (Xajaar) iyo labada taliye ku-xigeen oo mid kood habeen hore lamagacaabay ka dibna la dalacsiiyay.
Kulanka ayaa looga hadaly dardar gelinta qorshaha sugidda amniga dalka iyo fududeynta dib-u-habeynta Booliiska, si loogu guuleyso tayeynta ciidamada booliiska oo qayb ka ah qorshaha guud ee ciidamada Soomaaliyeed ay kula wareegayaan mas’uuliyadda amniga dalka oo dhan.
Taliyaha iyo taliye ku xigeennada ayaa Ra’iisul Wasaaraha xog ka siiyay howl galladii ugu dambeeyay ee booliisku amniga dalka ku sugayeen iyo guulahii laga gaaray qorshaha ciidamo booliis ah lagu geynayo deegaannada argagaxisada laga xoreeyay, waxa ayna ballan qaadeen in ay fududeynayaan qorshaha dib-u-habeynta Booliiska iyo in ay laba jibbaarayaan shaqooyinka ay qaranka u hayaan, si loo helo amni, xasilooni iyo kala dambeyn.
Dhanka kale Ra’iisul Wasaare Khayre ayaa kulan la qaatay qaban-qaabiyayaashii iyo howl-wadeennadii shirka madasha iskaashiga caalamiga ah Soomaaliya ee shalay soo xirmay waxaana kulana la isaga xog wareystay hannaankii uu shirku u qabsoomay, caqabadihii lasoo gudboonaaday iyo casharradii laga bartay ee looga faa’iideysna karo qabashada shirarka dambe.
Arts & Culture
Munaasabad lagu maamuusayo sannad guuradii tobnaad ee ka soo wareegtay aas-aaska madxafka hiddaha iyo dhaqanka Soomaalida ee Minnesota
MINNESOTA – Waxaa magaaladda Minneapolis si habsami leh uga socda qabanqaabadda munaasabad lagu maamuusayo sannad guuradii tobnaad ee ka soo wareegtay aas-aaska madxafka hiddaha iyo dhaqanka Soomaalida ee Minnesota. Munaasabadan oo sannadka la qabanayo labo maalmood oo isku xiga Sabti October 21, iyo Axad October 22, 2023 ayaa lagu qabanayaa magaaladda Burnsville ee gobolka Minnesota.
Madxafka hiddaha iyo dhaqanka Soomaalida ee Minnesota ayaa sannad walba qabta munaasab balaaran oo lagu soo bandhigo sooyalka taariikhda Soomaalida, agabka iyo ciyaaraha hiddaha iyo dhaqanka Soomaalida. Sidoo kale munaasabaddan ayaa abaal-marin lagu gudoonsiinayaa qaar kamid ah haldoorka bulshadda.
Waxaad akhbaar dheeraad ah oo ay kamid yihiin tigidhadda lagu galayo munaasabadda aad ka heli kartaa bogga madxafka hiddaha iyo dhaqanka Soomaalida ee Minnesota : http://www.somalimuseum.org/10th-anniversary.html
Local News
Ubax Cali oo noqotay wariyihii ugu horreeyay ee Soomaali-Maraykan ah oo TV Minnesota ku yaala wariye ka noqota
MINNEAPOLIS – Ubax Cali oo kamid ah Soomaalida deggen gobolka Minnesota ayaa noqotay wariye ka tirsan talefishinka WCCO ee ku yaala magaaladda Minneapolis ee gobolka Minnesota. Ubax Cali ayaa taariikh cusub ka dhigtay gobolka Minnesota oo ay deggen yihiin Soomaalida tiro ahaan ugu baddan dalka Mareykanka, kaddib markii ay ka mid noqotay shaqaalaha talefishinka WCCO iyadda oo noqonaysa wariyihii Soomaaliyeed ee ugu horeeyay ee kamid noqda warbaahinta talefishinka maxaliga ah.
Ubax Cali ayaa horaantii bishii April, 2023 sheegtay in ay ka tagtay shaqadii wariyenimo ee ay ka haysay talefishinka TMJ4 oo ku yaala magaaladda Milwaukee ee gobloka Wisconsin ee dalka Mareykanka. Ubah Cali ayaa bogga ay ku leedahay Facebook ku soo qortay in ay wariye ka noqonayso, shaqana ka bilowday talefishinka WCCO oo ay sannadkii 2017-kii ka ahayd ardayda ka shaqeeya talefishinka WCCO.
Wariye Ubax Cali ayaa wareysi ay siisay Cathy Wurzer oo ka tirsan warbaahinta MPR News ka hadashay in ay riyadii ay lahayd u rumowday, kana miro dhalisay hamigii ay ka lahayd saxaafadda, ayna maant ku faraxsantahay in ay ku shaqaynayso xifrad ay jeceshahay, iyadda oo weliba cod u noqonaysa bulshadda ay ka soo jeedo iyo dad baddan oo aan ka muuqanin warbaahinta maxaliga ah.
Xigashadda sawiradda: Ubah Ali
Wararka ka imaanaya magaalada Gaalkacyo dhinaceeda Koonfureed ayaa sheegaya in caawa dablay hubaysan weerar qaraxyo ah ay ku qaadeen Hotelka ku yaalla Gaalkacyo ka dibna gudaha ugalay Hotelka dablayda wax weeraratay.
Hotelka weerarka lagu qaaday ayaa waxaa la sheegay inay deganaayeen Taliyaasha Ciidanka Lugta Jannaraal Cabdixamiid Maxamed Dirir iyo Taliyaha Ciidanka qeybta 21-aad ee Ciidanka xoogga dalka Jannaraal Cabdicasiis Qooje.
Wararka qaar ayaa sheegaya in Taliyaasha kala ah Cabdicasiis Qooje iyo Cabdixamiid Maxamed Dirir ay ka badbaadeen weerarkaasi lagana saaray Hotelka ayna badqabaan sida aan xogta ku helnay.
Hotelka weerarka uu ka dhacay ayaa waxaa lagu soo waramayaa in ilaa hadda xabad socoto.
Wixii ku soo kordha kala socda insha allah Wargeyska Tusmotimes.
-
Local News11 months ago24-year-man charged with attempted murder, assault for gunfire exchange with Park police
-
Local News12 months agoDab ka kacay dhismii ahaan jiray dukaanka Kmart ee ku yaala wadada Lake ee Minneapolis
-
Arts & Culture12 months agoMunaasabad lagu maamuusayo sannad guuradii tobnaad ee ka soo wareegtay aas-aaska madxafka hiddaha iyo dhaqanka Soomaalida ee Minnesota
-
Arts & Culture12 months agoAward-winning artist K’naan releases new song honouring refugees
-
Local News11 months agoMinnesota honors refugees for their contributions
-
Health12 months agoResearch Brief: ‘Social capital’ contributes to food security of Somali-American households
-
Health12 months agoVaping – What Parents Should Know
-
Health12 months agoMinnesota overdose deaths held steady in 2022