Wararka Soomaalida
Barcelona iyo Real Madrid oo ciyaar adag dhaxmartay
Kooxaha Barcelona iyo Real Madrid ayaa caawa dhaxmartay ciyaartii ugu adkayd abid intii ciyaarood ee ay iakiiga hor imaanayeen labadan kooxood.
Kooxda Real Madrid ayaa caawa waxay marti u ahayd dhigeeda Barcelona waxaana kooxda martida loo ahaa ee Barcelona caawa ka muuqday xoogaa deganaan ah iyadoo dhanka kale kooxda Real Madrid ciyaarta ku bilowday dardar xoogan iyo caaboonaan kuna dhamaysatay.
Muddo dheer ayaa ugu danbeysay Barcelona inay gurigeeda ku soo dhaweyso Real Madrid islamarkaana lagu koontaroolo ciyaarta iyadoo Real Madrid ay caaboonaan muujisay halka Barcelona ay tamar la’aan iyo isfaham la’aan soo bandhigtay.
Ciyaarta labada kooxood ayaa waxay ka dhacday Garoonka ciyaaraha ee Camp Nou oo ah guriga Barcelona waxaana labada ciyaartooy garoonka ku soo bandhigeen ciyaar soo jiidatay dadweynihii daawanayay.
Ciyaartaas dhaxmartay Real Madrid iyo Barcelona ayaa ku soo idlaatay barbaro iyadoo labada kooxba wax gool ah iska dhalin kaabiyadii hore iyo soo laabashadii danme labadaba.