Ciidan Boolis ah oo tababar loo soo xiray

Ciidamo ka mid noqonaya Booliska Soomaaliya ayaa galabta waxaa tababar loogu soo xiray dalka Jabuuti ka dib tababar ciidan oo dhowr bilood ugu socday dalka Jabuuti.

Munaasabada tababarka loogu soo xirayay ciidankaas ayaa waxaa ka qayb galay Taliyaha Ciidanka Booliska Soomaaliya Sareeye Gaas Cabdi Xasan Maxamed Xijaar iyo Taliyaashii kale ee Ciidanka tababarka siiyay.

Ciidamadan tababarka loo soo xiray ayaa qaatay tababaro la xariira sugida amaanka iyo sidoo kale kahor taga rabshadaha, waxaana ciidankan munaasabada tababarka loogu soo xirayay kusoo bandhigeen dhoolo tusyo cajiib ah.

Munaasabada tababarka loogu soo xiray ciidankan katirsan booliiska Doomaaliya waxaa goob joog ka ahaa masuuliyiin iyo saraakiil ciidan oo katirsan dalka Jabuuti , saraakiil ajaaniib ah iyo sidoo kale marti sharaf kale.

Ciidamadan tababarka loo soo xiray ayaa la filayaa in lagu soo celiyo Soomaaliya si ay u gutaan waajibaadkooda ciidanimo, waxaana ciidankan qeyb ka noqon doonaan booliiska ka howlaga caasimada iyo qaar kamid ah gobolada dalka.

Dowlada Soomaaliya ayaa ciidamada loogu tababaraa gudaha Soomaaliya iyo dalka dibadiisa gaar ahaan dalalka saaxiibka dhaw la ah Soomaaliya iyo Turkiga oo lagu soo tababaray ciidamo aad u badan.