Wararka Soomaalida
Dagaal khasaaro weyn geystay oo ka dhacay Towfiiq iyo Af-Barwaaqo
Dagaalkan ayaa wuxuu udhaxeeyaa labo maleeshiyo beeleed oo qabaa’ilkooda ay wada dagaan gobolka Mudug waxaana dagaalka uu salka ku hayaa aanooyin qabiil iyo is qab qabsi dhuleed.
Inta la xaqiijiyay dagaalkaas ayaa waxaa ku dhintay 30-qof oo u badnaa dhinacyadii dagaalka uu dhaxmaray waxaana laga cabsi qabaa in labada maleeshiyo beeleed mar kale dagaalamaan in kastoo hadda dagaalka uu qaboobay.
Waxaa isa soo taraya baaqyada nabadeed ee loo dirayo dhinacyada ku dagaalamaya gobolka Mudug, waxaa sidoo kale socda dadaalo lagu doonayo in dagaalka lagu joojiyo laguna kala dhax galo labada maleeshiyo beeleed ee dagaalamaya.
Dowlada Soomaaliya ayaa sheegtay in ciidamo isku dhaf ah u direyso deegaanada dagaalka ka socdo si ay u kala dhax galaan labada maleeshiyo beeleed ee wali ku dagaalamaya deeganao katirsan gobolka Mudug.