Deg-Deg: Darawal wada basaska Iskuulada oo madaxa laga toogtay Minneapolis

Darawal wada baska dugsiyadda ee Minneapolis ayaa la toogtey. Toogashadan ayaa dhacday galabta oo ah Talaadado saacadu markii ay ahayd 2:00 galabnimo.

Dhacdanan iyo toogashaddan la yaabka leh ayaa ka dhacday bartamaha Jidka weyn ee I-35 W iyo Buundada kormarta ee wadada Chicago ee koonfurta magaalada Minneapolis, sida ay sheegeen ciidanka booliiska.

Haddaba waxaa la sheegayaa in dalawarkii waday baska ay xabadi uga dhacday madaxa, xaaladiisa caafimaadna ay halis ku jirto, basle aanan la xaqiijinin marxalada uu hadda ku sugan yahay. Waxaana loo lala cararay Isbitaalka, halkaas oo loogu fidinayo kaalmo caafimaad.

Waxaa la sheegayaa in baska iyo gaari kale ay isku dhaceen, kadibna qof gaariga kale saarnaa oo aan la hubin in weli in uu yahay darawalka gaariga kale in iyo inkale uu yahay qofka toogtay darawalka waday baska. Ciidamada booliiska ayaa sheegaya in ay qabteen qofkii gaystay toogashadda.

Waxaa kale oo la sheegay in hal arday uu baska saarnaa xilligii ay dhacdadani dhacaysay ee la toogtay darawalka baska.

Afhayeen u hadlay Iskuulka Dadweyanah ee magaalada Minneapolis ayaa xaqiijiyay in baska uu yahay bas u adeegayay Iskuulada Dadweyanah magaalada Minneapolis. Sidoo kale waxaa la sheegayaa in ardaygii saarnaa baska uu nabad qabo.

Arrintan la yaabka leh ayaa ah mid deg-deg ah, wayna ku soo aadaysaa wakhti laga rawaxayo Iskuulada iyo shaqooyinka iyadda oo uu da’ayo baraf aad u tiro badan. Dhacdadan ayaa ku soo hagaagtay wakhtiga ay wadooyinka magaaladu ugu mashquul badan yihiin.

Waa warbixin deg deg ah, wixii ku soo kordhana kala soco Wargeyska Tusmo Times.