Wararka Soomaalida
Deg Deg Madaxtooyada Soomaaliya oo dagaal ka bilowday
War goordhaw ku soo dhacay war qabadka Wargayka Tusmotimes xafiiska Muqdisho ayaa sheegaya in caawa maqribkii ka dib weerar toos ah uu ka dhacay ka soo hor jeedka Madaxtooyada Soomaaliya iyadoo la’isku adeegsaday Hub nooco kala duwan ah sida Wargayska Tusmotimes usheegay mid ka mid ah dadka rayidka ah ee marayay agagaarka Hotel SYL ee ka soo hor jeeda ilinka hore ee laga galo Madaxtooyada Soomaaliya.
Dagaalkaas tooska ah ee caawa ka dhacay agagaarka Madaxtooyada Soomaaliya ayaa waxaa loo badinayaa inay soo qaadeen kooxda Al shabaab sida wararka ugu badan ay sheegayaan lamana oga khasaaraha ilaa hadda dagaalkaas uu sababay iyo cidda dagaalamaysa waxa ay yihiin.
Goobjoogaha warkan inoo xaqiijiyay dagaalkaas ayaa inoo sheegay in uu arkay Ciidamada dagaalamaya inay yihiin kuwa dowladda federaalka iyo dhinac kale oo uusan sheegin cidda ay yihiin wixii ku soo kordha kala socda Insha’allah Wargayska Tusmotimes.