Wararka Soomaalida
Deg-Deg Qarax khasaaro gaystay oo ka dhacay Magaalada Gaalkacyo
Magaalada Gaalkacyo ee xarunta gobolka Mudug wararka naga soo gaaraya ayaa sheegaya in caawa weerar ku bilowday Bam gacmeed lagu qaaday xarun Ciidan oo ku taala magaalada Gaalkacyo.
Wararka hor dhaca ah ee nasoo gaaraya ayaa sheegaya in dhaawacyo ay soo gaareen Ciidamadii la weeraray iyadoo warka uu intaas ku darayo in shacab xataa wax yeelo soo gaartay.
Mid ka mid ah shacabka ku sugan magaalada Gaalkacyo ayaa Wargayska Tusmotimes usheegay dabley hubaysan inay weerar Bam gacmeed ah ay ku qaadeen Saldhig Ciidan oo ku yaala Gaalkacyo khasaarana uu soo gaaray Ciidanka saldhiga joogay.
Goobjoogahan ayaa intaas warkiisa ku daray inuu arkay ilaa seddax askari oo dhaawac ah loona qaaday xarun Caafimaad oo ku taalla bartamaha magaalada Gaalkacyo.
Wixii warar dheeraad ah ee ku soo kordha warkaas goordhawa naga soo gaaray Gaalkacyo kala socda insha allah Wargeyska Tusmotimes.