Deg-Deg:Dhaqtar Siiriyaan ah oo ku geeriyooday Magaalada Muqdisho

Waxaa goordhow Magaalada Muqdisho ku geeriyooday Dr. Muhanad Cali Axmed oo u dhashay dalka Siiriya kaasoo 21-ka bishan January dhaawac uu ka soo gaaray qarax loogu xiray Gaari laga leeyahay Isbitaalkii uu ka howlgalayey ee ku yaalla degmada Hodan ee Magaalada Muqdisho.

Dr Muhanad Cali Axmed ayaa mudo sanado ah waxa uu ka howlgalayay Isbitaalka Muqdisho City ee ku yaala degmada Hodan wuxuuna qaabilsanaa xanuunada ku dhaca Cunaha,Sanka iyo Afka.

Allaha unaxariistee Dr.Muhanad Cali Axmed ayaa udhintay dhaawicii ka soo gaaray qaraxaas ee loogu xiray Gaariga Isbitaalka uu ka shaqaynayey ee Muqdisho City.

Dhaawaca uu hadda udhintay Dr.Muhanad Cali Axmed ayaa wuxuu ka haleelay Lug iyo Gacan isdhaaf ah iyadoo Lugta iyo Gacanta isdhaafka ah ay ka go,een.

Dr Muhanad Cali Axmed iyo qaar kale oo ka mid ah dhaqaatiirta Soomaalida ah ee ka shaqeeya Isbitaalkaas ayaa ka yimid Garoon lagu Ciyaaro Kubadda Cagta ka dib markii si nabad gelyo ah ay ku yimaadeen Xarunta Isbitaalka ayuu qarxay Gaarigii ay ku yimaadeen oo intii ay saarnaayeen Gaariga uu ku xirnaa qaraxaas.

Waxaa xusid mudan in Dr Muhanad intii uusan qaraxa dhicin ka hor uu ka degay Gaariga asaga iyo dhaqaatiirtii la saarneedba xiligaas Gaariga wuxuu ku dhex jiray Isbitaalka laakiin qadarta alle awgeed Dr Muhanad uu ku soo laabtay Gaarigii ka dib markii uu ku iloobay Gaariga Kabihii uu ku ciyaarayey Kubadda Cagta sidaasna uu dhaawac halis ah ku soo gaaray.

Geerida Dhaqtarkan Siiriyaanka ah ee lagu magacaabi jiray Muhanad Cali Axmed ayaa waxaa goordhow uxajiiyey Wargayska Tusmotimes Xafiiska Muqdisho Agaasimaha Isbitaalka Muqdisho City Dr Ismaaciil ee Dhaqtarkan ka howlgalayey.

ilaa hadda cidna masheeganin mas,uuliyada qaraxaas ee lagu dilay Dr Muhanad Cali Axmed oo udhashay Dalka Siiriya.