Madaxweyne Farmaajo oo si weyn Dhuusa-mareeb loogu soo dhaweeyay

Madaxweynaha Jamhuuriyadda Federaalka Soomaaliya Maxamed Cabdullaahi Farmaajo iyo wafdi uu hogaaminayay qaybna ka ahaa siiyahaya Xilka Madaxweynaha Galmudug Axmed Ducaale Geele Xaaf ayaa galabta waxaa si weyn halkaas ugu soo dhaweeyay bulshada qeebaheeda kala duwan ee ku nool degmada Dhuusa-mareeb ee xarunta gobolka Galgaduud iyadoo maamulkana qayb weyn ay ka ahaayeen soo dhaweynta Madaxweynaha.

Bulshada Dhuusa-mareeb ayaa isku xirnaa soo dhaweyntooda Garoonka diyaaradaha Dhuusa-mareeb ilaa magaalada iyagoo caleemo qoyan lulayay cod dheerna ku lahaa soo dhowoow mudane Madaxweyne ku soo dhowoow magaaladaadii Dhuusa-mareeb iyo ereyo kale.

Madaxweynaha iyo mas’uuliyiintii la socotay ayaa umahad celiyay shacabka dhuusamareeb ee sida wanaagsan usoo dhaweeyay iyagoo usheegay inay raali ka yihiin sida sharafan ee usoo dhaweeyeen islamarkaana wax allaale wixii dowladdooda ugu baahdaan si deg deg ah ugu heli doonaan marwalba.

Madaxweyne Farmaajo oo gacmaha ka haysta Xaaf iyo Shaakir ayaa iyagoo dhax lugaynaya shacabkii soo dhaweeyay lug ku galay dhuusamareeb waxaana caawa ilaa habeen dambe ku hooyan doonaa Madaxweynaha magaalada Dhuusa-mareeb ee xarunta gobolka Galgaduud.