Nin Qado ka bixiyay $ 4.6 million oo dollar

Weligaa ma maqashay qado laga bixiyay lacag dhan $4.6 milyan oo lacagta dollar-ka ah?

Justin Sun oo ah maamulaha iyo madaxa mashruuca Cryptocurrency ee Tron, ayaa sheegay in uu $ 4.56 malyan uu kula qadaynayo ninka maal qabeenka ah ee Warren Buffett.

Justin Sun ayaa ku guulaystay tartankii loogu jiray laguna xaraashay qofkii la qadayn lahaa taajirka Mareykanka ah ee Warren Buffet. Qadadan ayaa ah mid sannad walba la xaraasho, lacagta ka soo baxdana waxaa lagu taageeraa Hay’ada Samafalka ee eBay.

Haddaba wiilka dhallinyarada ah ee Justin Sun ayaa shalay  oo ahayd Isiin, June 10, 2019 ku qoray boggiisa Twitter-ka  inuu la qadat doono Buffett, kadib markii uu ku guulaystay loolanka loogu jiray qofkii la qadayn lahaa sannadkan ninka maal-qabeenka ah.

Qadadan oo noqonaysa qadadii ugu qaalisanayd abid ee uu qof kula qadeeyo ayaa ka dhici doonta goobta Smith & Wollensky ee ku taala magaalada New York, Mareykanka.

Justin Sun ayaa sidoo kale qadadan ku martiqaaday todobo qof oo asxaabtiisa ah. Lacagta uu biyay Justin Sun ayaa waxaa loogu deeqayaa Hay’adda Samafalka ee eBay. Qadadan qaaliga ah ayaa ah mid sannad walba laqabto oo deeq loogu uruuryo Hay’adda Samafalka ee eBay, waana sannadkii 20-aad ee la qabto qadadan.