Number 50 oo maamul cusub loo doortay+Sawiro

Gudoomiyaha Number 50 ayaa waxaa loo doortay Axmed Taakow Cismaan ka dib doorasho ka dhacday Number 50 ee Shabeelada hoose uyadoo musharaxiin doonayay xilkaas wareegii kobaadba ku hareen.

Axmed Taakow Cismaan Gudoomiyaha Cusub ee Number 50 iyo Qaar ka mid ah Saraakiisha Ciidamada ee deefaankaasi ayaa durba howlo shaqo ka bilaabay deegaanka kuna saabsan xagga nadaafadda iyagoo soo indha indheeyay Goobo farabadan oo ay ka mid yihiin Iskuulo, xarumo Caafimaad iyo meelaha ka socotay Olole Nadaafadeed oo dib loogu soo celinayo bilicda Number 50.

Gudoomiye Taakow ayaa ugu horeyn booqday isgoyska Siinaay iyo goobo kale oo ay ka socdeen Olole nadaafadeed isagoo ka qeyb qaatay Ololaha nadaafada sidoo kale Gudoomiyaha wuxuu booqday iskuulo kuyaala Number 50 iyadoo Ardada Iskuulka u jeediyay khudbad dhiiro gelin ah iyo balanqaadyo uu u sameeyay Ardada wuxuu u balan Qaaday in dayactir ku sameyn doono iskuulada islamarkaana horu marin balaaran ku samayn doono guud ahaan Xarumaha Waxbarashada ee ku bur buray Dagaaladii Muddada dheer ka soconayay Degmadaasi.

Gudoomiye Taakow ayaa ugu dambayntii Gudaha saldhiga degmada Khudbeeyay Ciidamo Booliis iyo Meletari iskuuga jira islamarkaana ka mid ah kuwa suga amaanka degmada wuxuuna ujeediyay hadal dhiiro gelin ah kuna saabsan inay sii xoojiyaan howlgallada ay ku xaqiijinayaan amniga Degmada.

Gudoomiyaha ayaa Ciidamada amniga ku amaanay sida wanaagsan ee har iyo Habeen ay ugu taagan yihiin Ilaalinta amaanka shacabka Number.