Wararka Soomaalida
Ra’iisul wasaaraha oo Baydhabo gaaray
Ra’iisul wasaaraha Soomaaliya Xasan Cali Khayre iyo qaar ka mid ah Golahiisa wasiirada ayaa maanta barqadii gaaray degmada Baydhabo ee Gobolka Baay waxaana halkaasi siweyn ugu soo dhaweeyay bulshada ku nool magaalada Baydhabo iyadoo kaga hortagay Garoonka Diyaaradaha Shaatigaduud.
Madaxweynaha iyo Gudoomiyaha Baarlamanka Koonfur Galbeed Cabdicasiis Xasan Maxamed Lafta Gareen iyo Cabdiqaadir Shariif Sheekhuna Maye ayaa ka mid ahaa mas,uuliyiintii soo dhaweeyay wafdiga Ra’iisul wasaaraha waxaana markii dambe dadweynaha reer baydhabo kula hadleen goob fagaaro ah.
Xassn Cali Khayre ayaa usheegay shacabka in wadada isku xirta Baydhabo iyo Xamar sida ugu dhaqsiyaha badan loo furi doono sidoo kale safarkiisa baydhabo uu la xiriiro sidii shaqo abuur loogu samayn lahaa dhalinyarada iyo guud ahaan bulshada koonfur Galbeed.
Ra’iisul wasaaraha Soomaaliya Xasan Cali Khayre ayaa sidoo kale sheegay in ujeedkooda kale uu yahay qaramaynta maleeshiyaadka ku sugan deegaanada Koonfur Galbeed iyo nabadaynta bulshada wixii tabasho ah ee ka dhaxjira.