Raxaf Al-Qunun oo Canada uduulaysa

Haweeneyda Sucuudiyaanka ah Raxaf Al-Qunun ayaa waxaa lagu wadaa in dhowaan uduusho Dalka Canada ka dib markii magangalyo waydiisatay.

Gabadhan udhalatay Dalka Sucuudiga Raxaf Al-Qunun ayaa dhowaan waxaa lagu qabtay Garoonka diyaaradaha ee Magaalada Bangkok ee Dalka Thailand iyadoo baxsad ah waxaana ay sheegtay in ay ka cararayso in ladilo ka dib markii sida ay sheegtay ka baxday Diinta Islaamka.

Saraakiisha Dalka Thailand oo gabadhan ku wargaliyey in lagu celiyo Dalka ay udhalatay ee Sucuudiga ayaa ka diiday Raxaf Al-Qunun waxayna usheegtay Saraakiisha Garoonka Bangkok haddii lagu celiyo sucuudiga in la dilayo.

Haweeneydan Sucuudiga u dhalatay ee qoyskeeda isaga soo carartay kuna xayirantay gagida diyaaradaha ee Bangkok ayaa haatan waxa ay u duulaysaa dalka Canada si ay magangalyo halkaas u waydiisato,waxaa sidaasi sheegay saraakiisha Thailand.

Raxaf Maxamed al-Qunun oo ah 18-jir ayaa Isniintii diidday inay raacdo diyaarad ka kicitimi laheyd Bangkok oo tegi laheyd Kuwayt waxa ayna isku soo xirtay qol ay ka deganayd hoteel ku yaal garoonka diyaaradaha u kiraysnaa,Raxaf Al-Qunun Waxa ay sheegtay inay isaga baxday diinta Islaamka, taas oo ciqaabteeda gudaha Sucuudi Carabiya ay tahay dil,Saraakiisha socdaalka ee Thailand ayaa bilowgii hore sheegay in gabadhaasi ay tahay inay dib ugu laabato Kuwayt, halkaas oo ay qoyskeeda ku sugayaan.

Kaddib waxa ay baraha bulshada ka bilowday olole, waxa ay barta Twitterka si toos ah u soo dhigaysay farriimo ay kaga hadlayso kiiskeeda sidoo kalana ay ku soo jiidanayso indhaha caalamka.