Saraakiisha ciidanka gobolka mudug oo ka tacsiyadeeyey dilkii col.khaliif

Saraakiisha Ciidanka Xooga dalka ee ku sugan gobolka Mudug ayaa ka tacsiyadeeyey geeradii ku timid dhame Khaliif Nuur shiil oo xalay dablay hubaysan ay ku dhaawaceen Magaalada gaalkacyo ka dib markii uu ka soo baxay masaajid salaadii Taraawiixda.

Dablayda dhaawacday dhame Khaliif Nuur Shiil ayaa la sheegay inay ahaayeen labo qof oo dhalin yaro ah ka dibna ka baxsaday goobtii ay ku dhaawaceen Dhame Khaliif Nuur Shiil.

Tacsi:-
May,12,2019
انّاللّه وانًّااليه راجعون
Taliska Qaybta 21aad ee Xoogga Dalka Soomaaliyeed oo Fadhigeedu Yahay Deegaanada Galmudug Dhamaan Saraakiisha Hoose Dhexe iyo Sare waxa ay halkaan Dhambaal tacsi ah uga dirayaan eheladii iyo qaraabadii uu ka geeriyooday Dhamme Khaliif Nuur Shiil oo Ka Tirsanaa Saraakiisha Sare ee Ururka Guulwade ee ka Howlgala Magaalada Gaalkacyo iyadoo Gaalkacyo ugu Geeriyoodey Dhaawac xalay ay u Geysteen Koox Hubeysan xili uu ka soo Baxey Masjidka Sarkaalkani wuxuu ahaa Wadani kaalin aan la hilmaami karin ku lahaa Nabadeynta iyo Xasiloonida Magaalada Gaalkacyo Walina ku Jirey Howshii Sugitaanka Amaanka iyo Midnimada Bulshada Reer Gaalkacyo Samir Jamiil ah iyo imaan suubban Alle ha inaga wada siiyo dhamaateen.