AJ Awed: musharax u taagan duqa magaaladda Minneapolis

AJ Awed oo ka tirsan Jaalliyadda Soomaaliyeed ee ku dhaqan magaaladda Minneapolis ee gobolka Minnesota, kana mid ah siyaasiyiinta dhallinyaradda ah ayaa xalay si rasmi ah magaaladda Minneapolis uga daah-furay ololihiisa uu u galayo xilka Duqa Magaaladda Minneapolis.

AJ Awed oo ah sharci yaqaan Qareen ahaan ku shaqeeya ayaa kamid ah dhallinyaradda Soomaaliyeed ee ku koray, waxna ku bartay magaaladda Minneapolis ee gobolka Minnesota. Waxaa tartan loo galayaa doorashadda kursiga duqa magaaladda iyo guddiga goloha degmooyinka magaalada Minneapolis.

Haddaba kulan si wanaagsan loo soo agaasimay oo ka dhacay goobta shirarka ee ganacsiga Jig-Jiga Mall ayuu AJ Awed si rasmi ah ugu shaaciyay in uu yahay musharax u taagan xilka iyo jagada duqa magaaladda Minneapolis. Kulankan lagu daah-furay ololaha iyo loolanka uu AJ Awed ugu jiro kursiga hogaanka magaaladda Minneapolis ayaa waxaa ka soo qayb galay qaar kamid ah haldoorka bulshadda Soomaaliyeed ee ku dhaqan gobolka Minnesota oo ay kamid ahaayeen madax, culumo, ganacsato, waalid, dhallinyaro, siyaasiyiin, fanaaniin iyo bahda isboortiska.

Xigashadda Sawiradda: Siyad S. Salah (Somali TV of Minnesota)

Dhamaan dadkii madasha ka hadlay ee qudbadaha kala duwan ka jeediyay ayaa amaanay, taageeray, bulshadda Soomaaliyeedna ka codsaday in la taageero buuxda oo Hiil iyo Hooba ah lala garab istaago musharax AJ Awed.