Baahintii Tusmotimes dhibane Axmed oo ka dib jawaab helay

Dhowaan ayaa waxaa halkan ku baahinay warbixin ka hadlaysay dhibane Axmed Cumar oo ka mid ahaa dhaawacyadii sida culus ugu dhaawacmay qaraxii Sabtadii ka dhacay Excontrol Afgooye ee Muqdisho isla markaana laga reebay diyaaradii dhaawacyada culus uqaaday Turkiga wuxuuna hadda helay jawaab deg deg ah iyo daryeel Caafimaad oo bilaash ah.

Axmed Cumar ayaa dhaawac culus ka noqday Lugta Midig ka dib markii qaraxa uu burburiyay lafaha Lugta xanuun badana dhibanaha ku haysay isagoo ka soo jeeda dhibanahaas qoys waxba haysan oo sabool ah.

Dhaqaatiirta Soomaalida ah ee ka howlgasha Isbitaalka Erdogan Ex Digfeer ee magaalada Muqdisho oo la soo xiriiray xafiiska wararka Wargayska Tusmotimes qaybta Muqdisho ayaa Dhibane Axmed Cumar uqaaday Isbitaalka Digfeer ee ay ka howlgalaan dhaqaatiirta udhalatay dalka Turkiga.

Axmed Cumar ayaa hadda laga jaray Lugta midig ka dib markii si deg deg ah uheli waayay daryeel Caafimaad sida ay cadeeyeen dhaqaatiirta Turkida ah ee qaliinka ku sameeyay dhibanaha Axmed Cumar.

Dhibane Axmed Cumar ayaa hadda wuxuu helay daryeel Caafimaad oo aad uwanaagsan isla markaana lacag la’aan ah.

Axmed Cumar in kastoo Naafo noqday qadarta alle awgeed hadda ma,aha mid ka wal wal qaba inuu ugeeriyoodo daryeela’aan sida markii hore rajadiisu ahayd.