Wararka Soomaalida
Ciidanka Booliska Soomaaliya oo Albaabada iskuugu dhuftay Hotel Makah Al Mukaramah
Ciidanka Booliska Soomaaliya ayaa galabta Gudaha ugalay Hotel Makah Almukaramah ee Magaalada Muqdisho ka dibna xirxiray dhalinyaro Siminaar ugu socday Hotelka. Dhalinyaradaas oo tiradooda gaaraysa 40 oo iskuuga jira rag iyo Dumar ayaa waxaa lagu soo waramayaa in,intooda badan ay ka tirsan yihiin Xisbiga Wadajir ee Mucaaradka ah ee Gudoomiyaha uu ka yahay Siyaasiga Mucaaradsan […]
Ciidanka Booliska Soomaaliya ayaa galabta Gudaha ugalay Hotel Makah Almukaramah ee Magaalada Muqdisho ka dibna xirxiray dhalinyaro Siminaar ugu socday Hotelka.
Dhalinyaradaas oo tiradooda gaaraysa 40 oo iskuuga jira rag iyo Dumar ayaa waxaa lagu soo waramayaa in,intooda badan ay ka tirsan yihiin Xisbiga Wadajir ee Mucaaradka ah ee Gudoomiyaha uu ka yahay Siyaasiga Mucaaradsan Dowladda federaalka Soomaaliya Madaxdooda ee lagu magacaabo Cabdiraxmaan Cabdi Shakuur Warsame.
Warku wuxuu intaas raacinayaa in la siidaayey inta ka madax banana Xisbiga Wadajir intii Xisbigaas ka tirsana hadda lagu howlan yahay in xabsiga laga soo daayo.
Dhinaca kale War si hoose uu helay Wargayska Tusmotimes Xafiiska Muqdisho ayaa sheegaya in Ciidanka Booliska ee Gudaha ugalay Hotelka Makaha Almukaramah Albaabada iskuugu dhufteen Hotelkaas Siminaarka uu ka socday ilaa amar dambe lagu war galiyey Milkiilaha Hotelka Makah Almukaramah in uu sii xirnaado Hotelka.