Ciidamada Kenya oo lagu weeraray deegaan udhaw Mandheera

Wararka ka imaanaya deegaano hoostaga degmada Mandheera ee Gobolka Waqooyi Bari Kenya ayaa sheegaya in Kollonyo Ciidamada Kenya ah lagu weeraray Miino wadada qarkeeda ku aasneed ka dibna qaraxaas uu haleelay mid ka mid ah Gawaarida Ciidamada ay saarnaayeen.

Khasaaro iskuuga jira dhimasho iyo dhaawac ayaa lagu soo waramayaa inay soo gaartay Ciidamada Kenya ee marayey inta udhaxaysa deegaanada Finoow iyo Alcarabiya oo hoostaga magaalada Mandheera ee gobolka Waqooyi Bari Kenya.

Wareerakaas Miino ayaa waxaa sheegtay Maleeshiyada Alshabaab waxayna sheegeen in askar badan oo Kenyan ah ay ku dileen qaraxaas Miino ee ka dhacay inta udhaxaysa deegaanada Finoow iyo Alcarabiya.

Gaariga ay saarnaayeen Ciidamada Kenya ee haleeshay Miinada ayaa lagu soo waramayaa in wixii saarnaa intabadan ay noqdeen wax dhintay iyo wax dhaawacmay askartii gaarigaas saarneed sida ay sheegeen Al shabaab gaarigiina gabi ahaanba uu basbeelay.

Majiro wax war ah oo kamadax banaan sheegashada Al shabaab mas,uuliyadda weerarkaas Ciidamada Kenya lagu laayey.

Sidoo kale dowladda Kenya ayaa wali ka hadlay weerarka caawa lagu laayey Ciidmadooda iyo warkan ka soo baxay Al shabaab.