Ciidanka Milatariga oo gacanta ku dhigay Saraakiil Al shabaab ah

Ciidanka Milatariga Soomaaliya iyo kuwa Daraawiishta Maamulka Jubbaland oo howlgal qorsheysan ka fuliyey xalay deegaan 10 KM ujira Degmada Jamaame ee Jubbada hoose ayaa la sheegayaa in gaadmo ay ku dileen saraakiil Al shabaab ah qaarna iyagoo nool gacanta ku soo dhigeen.

Howlgalan oo dhacay xili habeen saq,dhexe ah ayaa Ciidamada Milatariga Soomaaliya iyo kuwa Daraawiishta Jubbaland waxay ka soo daateen jiinka webiga Jubba ee mara deegaanadaas.

Waxayna Ciidamada ay bartilmaamsadeen deegaanka lagu magacaabi (Yiireey) oo sidaas ugu fogeyn degmada Jammaame ee Jubbada hoose,halkaas oo Kooxda Al shabaab ay ku la haayeen xero Ciidan sida ay sheegeen saraakiisha dowladda federaalka Soomaaliya ee howlgalkaas wax ka fuliyey.

Deegaanka Yiireey markii Ciidamada dowladda iyo kuwa Jubbaland ee isgarabsanaya ay udheceen ayaa waxaa ka dhacay dagaal socday in kabadan labo saac kaasoo sababay dhimasho iyo dhaawaca soo gaaray Ciidankii Al shabaab oo waqtigaas jiifay.

Mid ka mid ah Saraakiisha howlgalkan ku jiray ayaa waxaa uu yiri “Tiro ka mid ah maleeshiyaadka Argagixisada Al-Shabaab ayaa howl-galka lagu khaarajiyey waxaana nolosha lagu hayaa tiro badan” ayuu  yiri sarkaalkaas oo lagu magacaabo Jannaraal Bogmadow.

Sida ay sheegeen dhinacooda Saraakisha Ciidamada Maamulka Jubbaland lix shaqsi oo saddex ka mid ah ay ahaayeen horjoogeyaal sar-sare ayaa laga diley maleeshiyaadka Al shabaab waxaana nolosha lagu qabtay saddax Kale.

horjoogeyaasha Al shabaab ee nolosha la qabtay ayaa lagu kala magacaabaa.

1-Cali Waraabe.

2-Tima Jilic.

3-iyo Galley.

Ragan Al shabaabka ah ee nolosha lagu soobqabtay ayaa Malleeshiyaadka u qaabilsanaa Cabsi gelinta dadweynaha sida ay sheegeen Saraakiisha howlgalkan ka fulisay nawaaxiga degmada Jamaame ee Gobolka Jubbada hoose.

Dhinaca kale diyaaradaha Maraykanka oo howlgalkan qeyb ka ahaa ayaa duqeeyey seddax gaari oo Al shabaab gurmud ahaan ugu soo direen meesha ay wax ka dhaceen waxaana lagu soo waramayaa in seddaxdii gaari iyo raggii la socday iyo Saanad Ciidanba goobta ay ku bas beeleen.