Wararka Soomaalida
Deg-Deg askar AMISOM ah oo lagu dilay xerada Xalane
War goordhaw naga soo gaaray xerada ugu weyn Ciidamada AMISOM ay ku leeyihiin xerada Xalane ee Magaalada Muqdisho ayaa sheegaya in Afar askari oo ka mid ah Ciidamada AMISOM lagu dhax dilay xerada Xalane gudaheeda sida wararka nagusoo gaarayaan. Dilka askartaas ayaa waxaa kaloo la tibaaxayaa in sarkaal ka mid ahaa Saraakiisha Ciidamada AMISOM uu […]
War goordhaw naga soo gaaray xerada ugu weyn Ciidamada AMISOM ay ku leeyihiin xerada Xalane ee Magaalada Muqdisho ayaa sheegaya in Afar askari oo ka mid ah Ciidamada AMISOM lagu dhax dilay xerada Xalane gudaheeda sida wararka nagusoo gaarayaan.
Dilka askartaas ayaa waxaa kaloo la tibaaxayaa in sarkaal ka mid ahaa Saraakiisha Ciidamada AMISOM uu ka mid ahay Ciidanka ku dhintay Xalane gudaheeda.
Warar kala duwan ayaa ka soo baxaya dilka afarta askari ee AMISOM laguna dhax dilay gudaha Xalane.
Warka hore wuxuu sheegayaa inay dagaalameen askar ka mid ah Ciidamada AMISOM ee ku sugan Xalane ka dib markii muran uu soo kala dhaxgalay dilkana sidaas uu ku yimid.
Warka xiga ayaa sheegaya in waxa dhintay ay yihiin labo askari oo AMISOM ah ka dib markii ay wada dirareen sidaasna isku dileen labadii askari ee wada dagaalamay.
Falkan ayaa la sheegayaa inuu dhacay duhurnimadii maanta xili ciidamada ku jireen waqtiga Qadada ama xiliga raashiin cunista.
Wixii warar dheeraad ah ee ku saabsan warkan Deg Dega ah faafaahintiisa kala socda Wargayska Tusmotimes goordhaw insha,allah.