Deg-Deg:Galkacyo oo Kaalin shidaal uu dab ka kacay

Wararka iminkadan naga soo gaaraya Magaalada Gaalkacyo ee xarunta u ah Gobolka Mudug ayaa sheegaya in uu dab ka kacay xarun Kaalin Shidaal ah sida ay sheegayaan Wararka ku soo dhacaya xafiiska Wararka Wargayska Tusmotimes xafiiska Muqdisho.

Dabkan oo daqiiqado ka hor ka kacay Kaalinta Shidaal ee ku taala koonfurta Magaalada Gaalkacyo gaar ahaan wadada la yiraahdo Bile Rafle ayaa waxaa lagu soo waramayaa in dabkaas uu aad uxoogaysanayo dabeesha jirta awgeed.

Shacabka ku nool xaafada ay ku taalo kaalintaas Shidaal ee caawa fiidkii dabkaas uu ka kacay ayaa Wargayska Tusmotimes xafiiska Muqdisho u sheegay in dabkan lagaran waayey sababta uu ku kacay in Burjiko dab looga tagay uu ka bilowday iyo in uu ka bilowday Fiilo karontooyinka oo qaraxay in ay yihiin iyo in kale.

Gadiidka Dab damiska Magaalada Gaalkacyo ayaa lagu soo waramayaa in iminka laga maqlayo dhawaqooda xaafadahaas,lamana cadeyn karo Khasaaraha uu gaystay dabkaas inta uu gaarsiisan yahay.

Wixii soo kordha kala socda insha,allah Wargayska Tusmotimes xafiiska Muqdisho oo had iyo jeer utaagan in uu idinka haqabtiro warar xaqiiqda ku saabsan Gobolada Soomaaliya oo dhan iyo kuwa Caalamka ee markaas taagan.