Wararka Soomaalida
Faafaahin dheeraad ah oo ka soo baxaysa Qaraxii Excontrol afgooye
Saaka abaaro labo saac oo 15 dhiman ayaa waxaa qarax gaari xamuil ah loo adeegsaday uu ka dhacay isgoyska mashquulka badan ee Excontrol afgooye ee magaalada Muqdisho waxaana ka dhashay khasaaro xooggan oo iskuugu jira dhimasho iyo dhaawac soo gaaray dadka rayidka ah.
Inta la xaqiijiyay qaraxaasi ayaa waxaa ku geeriyootay ku dhawaad 45 qof oo rayid ah halka dhaawaca uu kor udhaafayo 120 ruux oo dhamaan shacabka ah.
Wali Excontrol afgooye ayaa waxaa laga daabulayaa maydadka iyo dhaawacyada qaraxii xoogganaa ee saaka ka dhacay.
Qaraxa ayaa waxaa la sheegay in lagu dhuftay gaari ay saarnaayeen Engineering Turkiga ah balse aan waxba gaarin kaliya gaariga afka hore burbur aan sidaas uweynayn ka soo gaaray gaarigaasi oo ahaa nooca rasaasta iyo qaraxyada karin.
