Wararka Soomaalida
Guddoomiye Yariisow oo dhaawaciisa la dhigay Digfeer
Warar kala duwan ayaa weli ka soo baxaya qaraxii ismiidaaminta ahaa ee galabta ka dhacay Xafiiska Guddoomiyaha Gobolka Banaadir Cabdiraxmaan Cumar Cismaan Injineer Yariisow. Waxaa la sheegaya in afar ama shan gudoomiye degmo ay dhaawac yihiin. Xog kale ayaa sheegaysa in tirada dadka ku dhintay qaraxaas ay aad u badan yihiin, mas’uuliyiinta dhaawaca ah ayaa […]
Warar kala duwan ayaa weli ka soo baxaya qaraxii ismiidaaminta ahaa ee galabta ka dhacay Xafiiska Guddoomiyaha Gobolka Banaadir Cabdiraxmaan Cumar Cismaan Injineer Yariisow.
Waxaa la sheegaya in afar ama shan gudoomiye degmo ay dhaawac yihiin.
Xog kale ayaa sheegaysa in tirada dadka ku dhintay qaraxaas ay aad u badan yihiin, mas’uuliyiinta dhaawaca ah ayaa waxaa la sheegayaa in uu ka mid yahay Guddoomiyaha Gobolka banaadir Injineer Yariisow.
Dhaawaca Guddoomiye Yariisow ayaa waxaa la dhigay Isbitaal Digfeer ee magaalada Muqdisho iyada oo dhaawac culus uu ka soo gaaray qaraxii ismiidaaminta ahaa ee Xafiiskiisa galabta ka dhacay.
Tirada guud ee ku dhimatay weerarkaas ayaa waxaa la sheegayaa in ay gaarayso 17 qof oo u badan mas’uuliyiinta maamulka Gobolka Banaadir.
Warkan ayaa ah mid deg-deg ah, waxaan idinla soo socodsiin doonaa dhamaan wixii akhbaar ah ee ku soo khordha qaraxan ismiidaaminta ah.