Ha’yadda African Community Services oo bilowday Olole ay bulshadda uga wacyigelinayso Ootisim-ka (Maangaar-ka)

Minneapolis – Hay’adda African Community Services ayaa bilowday olole ay bulshadda uga wacyigelinayso Ootisim-ka. Hay’adda African Community Services ayaa bilowday Olole wacyigelin ah oo loogu magac daray MA OGTAHAY?, hayadda oo iskaashi iyo wado shaqayn la samaynaysa waalid, farshaxaniistayaal iyo gaar kamid ah warbaahinta gaarka u ah bulshadda Soomaaliyeed ee ku dhaqan gobolka Minnesota.

 Hay’adda African Community Services oo ah hay’ad bulshadda jaaliyaddaha kala duwan ee ka soo jeeda qaarada Africa u adeegta, xafiisna ku leh magaalada Minneapolis ayaa adeegyadda baddan ee ay bulshadda u qabtaan waxaa kamid ah adeega la xiira caafimaadka oo ay wacygelintu qayb weyn ka tahay. Haddaba maamulka iyo shaqaalaha hay’ada ayaa ahmiyad gaar ah iska saaray sidii ay u taageeri lahaayeen dhamaan baahida kala duwan ee ay qabaan waalidka iyo qaybaha kala duwan ee ay bulshaddu ka kooban tahay.

Ololaha wacyigelinta ah ee MA OGTAHAY? ayaa loogu tallo galay in si gaar ah loogu wacyigeliyo bulshadda Soomaaliyeed. Hay’adda ayaa samaysay boodhadh, fariimo si farshaxan ah lagu soo gudbinayo oo la xiriira MAANGAAR-KA (OOTISIM-KA). Ujeedadda ololahan wacyigelinta ah ayaa ah in bulshaddu ay ogaato xaqiiqda ubaddka ama dadka qaba Ootisimka-ka (Maangaar-ka) iyo weliba carqaladaha soo wajaha qoysaska leh ubad ku dhashay maangaar-nimadda.

Wargeyska Tusmo Times ayaa ka qayb-qaadan doona Ololahan wacygelinta ah waxaanan dhamaan bulshadda ku xiran Tusmo Times aan la wadaagi doonaa maqaalo, fariimo iyo weliba farshaxanka gaarka ah ee loo soo sameeyay ololahan MA OGTAHAY.