Hogaamiyihii naxariista darnaa ee ISIS oo la dilay

Howlgal culus oo ka dhacay dalka syria ayaa waxaa lagu xaqiijiyay in duqeyn xagga cirka ah lagu dilay hogaamiyihii mayalka adkaa ee kooxda la baxday Khilaafada Islaamka ama ISIS ee intabadan ka dagaalama wadamada Islaamka.

Habeenkii sabtida ee Taariikhda ku beegnayd 26 October ee 2019-ka ayaa waxaa waqooyiga dalka Syria lagu dilay hogaamiyihii naxariista darnaa ee kooxda labaxday Khilaafada Islaamka ama ISIS Abuu Bakar Al baqdaadi ka dib markii Ciidamada sida gaarka ah utababaran ee dalka Maraykanka oo watay diyaarado ay ku duqeeyeen waqooyiga dalkaasi.

Hogaamiyahaasi ayaa lagu soo waramayaa in Ciidamada Maraykanka ay ka warheleen meesha runta ah ee uu kaga sugnaa dalka Syria ka dibna toos ubartilmaam-saday Kayntii in muddo ah uu ku dhuumaalaysanayay Al baqdaadi ka dibna gantaal lala helay Abuu Bakar Al baqdaadi dhaawac culus ka soo gaaray weerarkaasi ka dibna uu ku cararay god weyn oo horay udiyaarsaday.

Ciidamada maraykanka oo ka harin beegsiga dhaawaca baqa cararka ah Al baqdaadi ayaa daba dhigtay ka dibna waxaa la sheegay inuu galay god weyn xili uu watay laba caruur ah ka dibna uu qarxiyay Jaakad weyn oo uu xirnaa kuna diyaarsaday waxyaabaha qarxa,iyadoo Al baqdaadi jirkiisa xubin xubin u googo,ay asaga iyo caruurtii uu watay sida lagu xusay warbixin ka soo baxday Taliska Maraykanka ee ka howlgalka ka fuliyay dalka Syria.

Dowladda maraykanka ayaa sanado badan ku raad joogtay hogaamiyahan naxariista lahayn ee ISIS Madaxda u ahaa iyadoo hadda sanado dheer oo ay ku raad joogeen Maraykanka Abuu Bakar Al baqdaadi soo afjaray habeenkii Sabtida sida warbixintan maanta bogga hore ee CNN-ka lagu daabacay.

Abuu Bakar Al baqdaadi iyo kooxdiisa ayaa waxay ku soo caan baxeen dilalkii arxandarada ahaa ee dadka u gaysanjireen kaas oo ahaa shaqsiyaadka gacantooda soo gala intii gacmaha iyo indhaha ka xira ka dibna iyagoo nool ka tuurijiray dabaqyada dhaadheer sidoo kale ku ridijiray Badda meelaha Yaxaasyada ku badan yihiin.

Waxaa kaloo ay ku samayn jireen dadka ay qabtaan in 10-kii qofba intii isku xiraan xabado la dhicijiray sidoo kale nolosha ku gubijiray.

Dowladda Maraykanka ayaa dhowr jeer sheegtay inay dishay hogaamiyaan laakiin sanad ka dib markii muuqaal uu iska soo duubay Abuu Bakar Al baqadaadi soo bandhigeen kooxda ISIS ay beentowday warbixintii Maraykanka hasa ahaatee hadda dowladda maraykanka waxay ku faantay oo sheegtay dilka Abuu Bakar Al baqadaadi inuu dhab yahay lana hubo oo mardambe dunida lagu arki doonin ka dib markii dhan walba ay ka xaqiijiyeen dilkiisa sida lagu sheegay wararkii isdabajooga ahaa ee marba ka soo baxayay wasaaradda Difaaca Maraykanka ee lagu soo daabacayay Television laga leeyahay dalka Maraykanka ee CNN-ka.