Wararka Soomaalida
Khayre oo Xudur kula-kulmay waalidka askari ilaalo u ah
Ra’iisul wasaaraha Soomaaliya Xasan Cali Khayre ayaa magaalada Xudur ee xarunta Gobolka Bakool kula-kulmay hooyada dhashay mid ka mid ah ilaaladiisa gaarka ah.
Xasan Cali Khayre Ra’iisul wasaaraha Soomaaliya ayaa sheegay in sharaf u tahay in magaalada Xudur uu kulakulmo askari ia mid ah ilaaladiisa gaarka ah ka dib booqashadii uu ku tagay degmadaas oo ilaa hadda uu ku sufan yahay.
“Sharaf ayey ii ahayd in Xudur aan kula kulmo hooyo Nuuneey Xasan Yarow oo wiilkeeda Saddexle XDS Cabdi Nuur Yaroow Isxaaq kana tirsan ilaaladayda gaarka ah waxaan uga mahadceliyay naf-hurnimada uu wiilkeedu ka muujiyay ka hortagga weerarrada argagixisada”ayuu yiri Ra’iisul wasaaraha Xasan Cali Khayre.
Waa markii ugu horaysay oo mas,uul Soomaaliyeed uu lakulmo waalidka dhalay Ciidanka Xoogga dalka gaar ahaan kuwa sida gaarka ah u,ilaaliya madaxda ugu saraysa dowladda Soomaaliya.