Wararka Soomaalida
Madasha Xisbiyada Qaran oo deeq gaar siiyay Mahadaay
Degmada Mahadaay ee gobolka Sh/dhexe ayaa maanta waxaa laga qaybiyay gargaarkii wafdiga Madasha Xisbiyada Qaran uu shalay halkaasi gaarsiiyay waxaana loo qeebiyay qoysaska dantayar ee ku nool degmada Mahadaay iyo nawaaxigeeda.
Guddoomiyaha gobolka Sh/dhexe Axmed Mayre Makaraan iyo Madaxda Xisbiyada oo ay kamid tahay Drs. Caasho Cumar Kablow Xoghayaha Caafimaadka ee Xisbiga Himilo Qaran ayaa goob joog u ahaa sida dadka loo gaarsiiyay kaalmada Madasha Xisbiyada Qaran qousaska loogu qaybiyay gargaarka xisbiyada ay usoo dhiibeen.
Deeqdaas oo iskuuga jirtay lacag iyo raashiin ayaa waxaa ka mahad celiyay qoysaskii nasiibka uhelay gargaarkaas la gaarsiiyay.
Qoysaska maanta loo qaybiyay lacagta iyo Raashiinka ayaa waxay yihiin qoysas danyar ah oo fatahaada Wabiga Shabeele uu saameeyay.
