Wararka Soomaalida
Madaxweynaha Jabuuti oo Muqdisho ku soo wajahan
Maalinta beri ayaa waxaa lagu wadaa in Magaalada Muqdisho uu soo gaaro Madaxweynaha dalka Jabuuti Ismaaciil Cumar Geele iyo wafdi uu hogaaminayo. Safarka Ismaaciil Cumar Geele ee Muqdisho ayaa ujeedadiisa waxaa lagu sheeegay in ay tahay in xariga uu ka jaro Safaaradda Jabuuti ay ku leedahay Soomaaliya taasoo ku taala Magaalada Muqdisho islamarkaana dhismaheeda dhawaan […]
Maalinta beri ayaa waxaa lagu wadaa in Magaalada Muqdisho uu soo gaaro Madaxweynaha dalka Jabuuti Ismaaciil Cumar Geele iyo wafdi uu hogaaminayo.
Safarka Ismaaciil Cumar Geele ee Muqdisho ayaa ujeedadiisa waxaa lagu sheeegay in ay tahay in xariga uu ka jaro Safaaradda Jabuuti ay ku leedahay Soomaaliya taasoo ku taala Magaalada Muqdisho islamarkaana dhismaheeda dhawaan la soo gaba gabeeyey.
Madaxweyne Ismaaciil Cumar Geele waxay kulan Muqdisho ku yeelan doonaan Madaxweynaha Soomaaliya Maxamed Cabdulaahi Farmaajo yagoo ka wada hadli doona arrimaha labada dal Jabuuti iyo Soomaaliya.
Waxaa maalinta beri lagayaabaa in la xiro wadooyinka Muqdisho sababo la xiriira imaanshaha Madaxweynaha dalka Jabuuti Ismaaciil Cumar Geele iyadoo hadda wadooyinka Muqdisho si hordhac ah loo keenay Ciidamo ku lebisan dharka booliska.
Safarkiisa Ismaaciil Cumar Geele ayaa wuxuu ugu sii talaabi doona Magaalada Beledweyne ee xarunta Gobolka Hiiraan iyadoo halkaas ay ku sugan yihiin Ciidamada ka socda dalkiisa Jabuuti ee Hiil walaal Soomaaliya looga yaqaano kana mid ah Ciidamada AMISOM.