Community
Magaca wiilkii Minneapolis lagu dilay Sabtidii oo la sheegay
Allaha u naxariisto ee waxaa magaala Minneapolis lagu dilay wiil Soomaaliyeed oo lagu magacaabo Mohamed Ahmed Hassan, wuxuuna ahaa 30-jir.
Mohamed Ahmed Hassan ayaa la toogtay, laguna dilay xaafada lagu magacaabo Marcy-Holmes neighborhood Habeenkii Sabtida ee ay bisha November 16, 2019.
Ciidanka Booliiska magaaladda Minneapolis ayaa helay Mahamed oo dhaawac ah saacadu markii ay ahayd 10:00 habeenimo. Waxaa si deg-deg ah loola cararay oo la geeyay Isbitaalka HCMC Maxamed oo dhaawac ah, balse wuxuu Maxamed wax yar kadib u dhintay dhaawicii halista ahaa ee soo gaaray.
Booliiska magaaladda Minneapolis ayaa sheegay in ay ku daba jiraan qofkii geystay toogashada iyo dilka Maxamed, balse ayna weli qofna gacanta ku haynin.
Dad markhaati ahaa ayaaa sheegay gaariga uu watay qofkii wax dilay. Maxamed ayaa maanta duhurkii meydkiisa la’aasayaa.