Qarax ka dhacay Muqdisho iyo warar dheeraad ah oo ka soo baxaya+Sawiro

Isgoyska Digfeer ee Magaalada Muqdisho ayaa maanta waxaa ka dhacay Qarax khasaaro hantiyadeed iyo mid nafeed gaystay.

Gaari nooca tamashlaynta ah ayaa waxaa Ciidamada dowladda Soomaaliya ku joojiyeen meel ka baxsan halka Ciidamada Gawaarida ay ku baaraan ka dib markii gaariga uu damcay inuu ka weecdo wadadii markii hore uu ku soo socday.

Gaarigaas oo ahaa mid ay ka buuxaan waxyaabaha qaraxa ayaa waxaa wadaha gaariga uu damcay inuu ka dejiyo goob horay wado u,ahayd oo Ciidamada ay caro ku xireen ka dib waxaa rasaas la dhacay Ciidamada amaanka sidaas ayuuna ku qaraxay gaarigaas.

Khasaaraha uu gaystay qaraxaas ee dhinaca dadka rayidka  ayaa aad uyaraa ka dib markii dadka shacabka ah ay ka carareen agagaarka gaarigaas.

Goobo ganacsi iyo guryo ku yaalay meesha uu ku qaraxay gaariga ayaa wada burburay xoogga qaraxaas oo ahaa mid aad ucuslaa.

Dhinaca kale Ciidamada dowladda ayaa dilay labo nin oo ku labisnaa Tuutaha Ciidanka Miletariga ka dib markii laga shakiyay iyadoo saacado dagaal uu ku dhaxmaray Isgoyska Seeybiyaano ee degmada Hodan.

Ciidamada ayaa markii dembe toogtay labadaas nin eebdagaalka lagalay ciidamada amaanka.

Geestankale Kooxda Al shabaab ayaa sheegtay qaraxii barqadii ka dhacay Magaalada Muqdisho iyo labada nin ee lagu dilay Seeybiyaano.