Wararka Soomaalida
Saraakiisha sarsare ee Amisom oo shir ku leh Muqdisho+Sawiro
Saraakiisha Ciidamada Midowga Africa ee Amisom ayaa waxaa shir ugu socdaa xarunta Xalane ee Magaalada Muqdisho iyagoo isla gorfeynaya howlgalo cusub iyo dardar gelinta la dagaalanka arrimaha Al shabaab. Saraakiisha ugu badan ee Ciidamada Amisom ayaana ka qayb galaya shirkan oo maanta ka furmay Magaalada Muqdisho wax yaabaha intabadan ay diiradda ku saarayaan kulankooda ayaa […]
Saraakiisha Ciidamada Midowga Africa ee Amisom ayaa waxaa shir ugu socdaa xarunta Xalane ee Magaalada Muqdisho iyagoo isla gorfeynaya howlgalo cusub iyo dardar gelinta la dagaalanka arrimaha Al shabaab.
Saraakiisha ugu badan ee Ciidamada Amisom ayaana ka qayb galaya shirkan oo maanta ka furmay Magaalada Muqdisho wax yaabaha intabadan ay diiradda ku saarayaan kulankooda ayaa waxaa ka mid ah sidii Soomaaliya ugu islaaxin lahaayeen Kooxda Al shabaab ka hor ka bixitaankooda dalka Soomaaliya sanadkan.
War qoraal ah oo la soo dhigay barta Amisom ay ku leeyihiin Twitter-ka ayaa waxaa lagu yiri”Taliyayaashu waxay kulan ku leeyihiin Muqdisho si ay u sameeyaan qorshe dhamaystiran oo hagaya hirgelinta mabaadii’da Hawl-galka cusub oo ay ansixiyeen Guddiga Isku-xirka Hawlgalkii Milatari kaasoo la gaaray bishii Novembar ee sanadkii hore ee 2018kii”ayaa lagu soo xiray qoraalka ka soo baxay Saraakiisha Amisom ee shirka ugu socda Magaalada Muqdisho.
