Wararka Soomaalida
Shil sababay dhimasho oo ka dhacay Sarkuus
Deegaanka Sarkuusta ee degmada hodan ka tirsan waxyarna ujirta xerada Ciidanka Asluubta Soomaaliyeed ayaa caawa waxaa gaari Cabdi Bile ah uu ku dardaray 4 qof oo saarnayd Mooto laba lugaaleey ee nooca FEKON ah ka dib markii gaariga Cabdi bilaha ah iyo Mootada ay isku dhaceen.
Shilkaas ayaa waxaa ku dhintay 4tii dhalinyaro ee saarnayd Mootada FEKONta ah iyadoo Gaariga Cabdi bilaha ah oo saarnaa Ciidan iyana askar ay ka dhaawacmeen sida wararkan ay nagu soo gaareen.
Wadada ka baxda Excontrol Afgooye ee aada dhanka Afgooye ayaa dhowaan waxaa lagu sameeyay dib udayactir heer sare ah waxaan weli dayactirkaasi ka socda wadaasi waana sababta keentay in shilkaas caawa uu ka dhaco wadada iyadoo dhalinyarada si xowli ah u kaxeeyaan mootooyinka iyo kuwa Ciidanka oo iyana kaba siidaran ka xaynta gawaarida.
Dhalinyarada ku dhintay shilkaasi ka dhacay Sarkuusta ayaa shacabka ku abuuray argagax ka dib markii laamiga uu ku shiilmay hilibka dhalinyaraasi.
Meydka 4ta dhalinyarada ah ayaa waxaala keenay xarunta waaxda dambi baarista ee CID ee Muqdisho halkaas oo caawa meyd koodu uu yaalo.