Wararka Soomaalida
Shir weynihii Culimada oo la soo gabagabeeyey+sawiro
Shir-weynihii Culimada Soomaaliyeed ugu socday Magaalada Muqdisho ayaa galabta la soo gabagabeeyey waxaana soo xiray Ra’iisul wasaaraha Xukuumadda Soomaaliya Xasan Cali Khayre. Shirka Culimada oo looga hadlayey amaanka iyo xaalada guud ee dalka ayaa waxaa dhawaan ka furay Magaalada Muqdisho Madaxweynaha Jamhuuriyadda federaalka Soomaaliya. Culimada Soomaaliya ayaa waxay iskiiga kala yimaadeen Gobolada dalka iyo wadamada […]
Shir-weynihii Culimada Soomaaliyeed ugu socday Magaalada Muqdisho ayaa galabta la soo gabagabeeyey waxaana soo xiray Ra’iisul wasaaraha Xukuumadda Soomaaliya Xasan Cali Khayre.
Shirka Culimada oo looga hadlayey amaanka iyo xaalada guud ee dalka ayaa waxaa dhawaan ka furay Magaalada Muqdisho Madaxweynaha Jamhuuriyadda federaalka Soomaaliya.
Culimada Soomaaliya ayaa waxay iskiiga kala yimaadeen Gobolada dalka iyo wadamada dibadda ah iyagoo danaynaya wax ka qabashada xaalada dalka.
Soo xeradii galabta la soo xiray shir-weynaha Culimada ayaa waxaa ka qayb galay qaar ka mid ah Golaha wasiirada iyo Xildhibaanadan labada gole qaar kood.
“Sharaf ayey ii ahayd inaan soo xiro shir-weynaha culimada Soomaaliyeed oo looga hadlay kaalinta culumada ee geeddi-socodka arrimaha amniga & dib-u-heshiisiinta dalka”ayuu yiri Ra’iisul wasaare Xasan Cali Khayre.
Shir-weynahan oo laga soo saaray War murtiyeed ayaan wali saxaafadda loo gaarin.
