Wafdiga Ra’iisul wasaaraha oo gaaray Gaalkacyo+Sawiro

Wafdiga Ra’iisul wasaaraha Xukuumadda Soomaaliya Xasan Cali Khayre ayaa maanta mar laga hor istaagay inay galaan Magaalada Gaalkacyo ka dib markii Maleeshiyo aad uhubaysan ay jareen waddooyinka gala Magaaladaas iyagoo diidanaa tegetaanka Magaalada Gaaljacyo Ra’iisul wasaaraha Xukuumadda Soomaaliya iyo wafdi uu hogaaminayo.

Maleeshiyada caraysnaa ee ka soo hor jeeday safarka Ra’iisul wasaaraha ayaa markii dambe waxaa la hadlay wadooyinkana ka qaaday Maamulka Gobolka Mudug ee Galmudug sidaas ayayna ku galeen Wafdiga Ra’iisul wasaaraha Magaalada Gaalkacyo.

Dad weyne aad ufarabadan ayaa ku soo dhaweeyay Magaalada Gaalkacyo Ra’iisul wasaaraha Soomaaliya iyadoo ujeedka Ra’iisul wasaaraha ee Gaalkacyo lagu sheegay dhismaha Maamulka Galmudug inay qeyb ka tahay safarka Gaalkacyo.

Safarka Ra’iisul wasaaraha Gaalkacyo uu ku tagay oo dhulka ahaa ayaa waxaa uu ka soo bilaabay Dhuusa-Mareeb iyagoo horay umaray Cadaado si ay uxaliyaan Odayaasha diidan Gogasha nabadeed ee lagu qabanayo Dhuusa-Mareeb ayaa waxaa lanoo sheegay in Odayaasha Cadaado ay diideen inay lakulmaan Wafdiga Ra’iisul wasaaraha ka dibna safarkoodii Gaalkacyo uweeciyay.