Wararka Soomaalida
Wasiir ka tirsan Puntland oo Tacsi gashay
Wasiirkii Kalluumaysiga iyo Khayraadka Badda ee Maamulka Puntland Faarax Maxamuud Cawaash ayaa xaaskiisa caawa ku geeriyootay Isbitaal ku yaala Magaalada Garowe ee maamulka Puntland ka dib xanuun soo wajahay marxuumad Rabiico Cabdi Aadan.
Madaxweynaha Puntland Siciid Cabdullaahi Deni oo ku hadlaya Magaciisa iyo kan Puntland ayaa wuxuu uga tacsiyeeyay Wasiirka Wasaaradda Kalluumaysiga & Kheyraadka Badda Puntland Faarax Maxamuud Cawaash geerida ku timid xaaskiisa Marxuumad Rabiico Cabdi Aadan oo ku geeriyootey Garoowe.
Madaxweynaha Puntland ayaa wuxuu Alle uga baryey Marxuumad Rabiico Cabdi Aadan oo ka tagtay 6 caruur ah inuu dembigeeda dhaafo,Su’aasha qabriga ilaahay u sakhiro,kuna abaalmariyo Jannatul Fardawsa, samir iyo Imaanna ka siiyo,Wasiirka, waalidiinteeda ciyaalkeeda, qoyskeedii,eheladeedii iyo asxaabteediiba.