Wiil baadi-goob ugu jira walaalihiis oo ayna is arag mudo 28 sanno ah

Wiil Soomaaliyeed oo lagu magacaabo Cabdiqani Bashiir Xuseen ayaa barta uu ku leeyahay Facebook-ga soo dhigay warqad fariin ah iyo sawir ku lifaaqan oo uu ku baadi goobayo gabadh iyo wiil walaalihiis ah oo ayna is arag mudo 28 sanno ah.

Cabdiqani Bashiir ayaa sheegay in uu baadi goobayo C/raxmaan Bashiir Xuseen iyo Xaliimo Bashiir Xuseen, iyaga oon aan is maqalin 28-kii sano ee la soo dhaafay.

Cabdiqani Bashiir ayaa sheegay in markii isugu dambeysay isaga iyo walihiisa uu baadi goobayo ay ahayd Shantii bishii April 1990-kii.

Sidoo kale Cabdiqani ayaa sheegay in markii ugu dambaysay ay walaalihiis ay wadatay ama ay la socdeen Eedadoo Faaduma Sheekh.

Wiilkan baadi goobaya walaalihiis ayaa sheegay in C/raxmaan Bashiir Xuseen iyo Xaliimo Bashiir Xuseen la geeyay dalka Netherland. Wuxuuna u malaynayaa in markii wadanka Netherland la gaynayey magaca laga badalay Cabdiraxmaan iyo Xaliimo.

Cabdiqani ayaa ugu dambayntii dhamaan dad weyanaha Soomaaliyeed iyo qof kasta oo ay waraaqda iyo fariinta uu ku baadi goobayo walaalihiis ay soo gaarto ka codsaday in ay arrintan ka caawiyaan, fariintana sii gudbiyaan oo ay la wadaagaan dad kale.

Haddaba haddii aad meel ku ogtahay in C/raxmaan Bashiir Xuseen iyo Xaliimo Bashiir Xuseen ama aad hayso wax akhbaar ah oo caawin kara walaalkood Cabdiqani Bashiir fadlan kala xiriir: +252615507386 / +252616441189 / Email:asadyarexx@gmail.com

Halkan ka akhriso warqadii uu qoray Cabdiqani: