Community
Wiil Soomaaliyeed oo loo xiray dil uu geystay
Waxaa magaaladda San Diego ee gobolka Californaia lagu xiray Mahad Aweys Cumar oo ah 20 sanno jir looga shakisanyahay in uu geystay toogasho dil ah oo ka dhacday magaalada San Jose 19-kii bishii October 2019.
Mahad Aweys Cumar oo ah wiil Soomaaliyeed oo ku koray, qoyskiisuna ay deggan yihiin magaalada San Diego ayaa maalintii Axadda ahayd loo xiray dilka uu u geystay Savion Hollingsworth oo ahaa 21-jir. Toogashadda dilka ah ee lagu eedaynayo Mahad Aweys ayaa ka dhacday magaaladda San Jose ee gobolka California.
Bilayska ayaa sheegay in ay Axaddii ay qabteen Mahad Aweys, kadibna ay u masaafuriyeen magaaladda San Jose. Hadda falka iyo dambiga dilka ah ee loo haysto Mahad Aweys ayaa ka dhacay meel u dhow Jaamacadda San Jose State University.
Bilayska gacanta ku haya baaritaanka la xiriira dilka iyo dambiga loo haysto Mahad Aweys ayaa sheegay in ay hayaan video magal iyo muuqaal ah oo cadaynaya wixii dhacay, dilka ka hor iyo wakhtigii uu dilku dhacayba.