Local News
Haji Yusuf oo ka hadhay tartankii uu kula jiray Ilhan Cumar
Musharax Haji Yussuf ayaa maanta si rasmi ah uga haray loolankii siyaasadeed ee uu ugu jiray kursiga congress-ka Mareykanka ee ay hadda ku fadhido Ilhan Cumar.
Haji Yussuf ayaa kamid ahaa musharixiinta la tartamayey Ilhan Cumar. Haji Yusuf oo kamid ah hogaamiyeyaasha Soomaaliyeed ee ku dhaqan gobolka Minnesota, kana mid ah dadka u olololeeya horumarinta bulshadda ayaa isagu maanta bartiisa Twitter-ka ku shaaciyey in uu ka haray tartankii uu ugu jiray kursiga congress-ka Mareykanka ee degmadda 5-aad.
Haji Yussuf ayaa sidoo kale wargqad uu ku daabacy wargeyska Sahanjournal ku sharaxay sababta uu uga haray tartanka. Musharax Haji Yussuf ayaa haddaba taageeray Ilhan Cumar, wuxuuna sheegay in ay Ilhan tahay musharaxa ugu haboon ee xilkan ka soo bixi kara, matali karana shicibka degean degmadda 5-aad ee gobolka Minnesota.
“Markii aan qiimeeyay, meel dheerna aan wax ka fiiriyey, wada hadal dheerna aan la yeeshay Ilhan Cumar, waxaan go’aan sadday in aan ka haro tartanka, Ilhana aan taageero, maadama aan aniga iyo iyaduba danta shicibka, ganacsatada yaryar, dadka dan yarta ah iyo weliba horumarka guud ee degmadda 5-aad aan ka simanahay”, ayuu yiri Haji Yussuf mar aan khadka taleefanka kula hadlay.
Waxaa weli jira musharixiin gaaraya afar qof oo la tartamaya Ilhan Cumar. Ilhan Cumar oo hadda kursiga iyo xilka congress-ka degmadda 5-aad ee gobolka Minnesota haysa ayaa ah musharaxa ugu cad-cad tartanka loogu jiro kursigan.
Xigashadda Sawirka: Haji Yussuf
Local News
Hudda Ibrahim oo xil loo magacaabay islamarkaana ay ansixiyeen guddiga golaha deegaanka magaaladda Saint Cloud
Saint Cloud – Guddiga golaha deegaanka magaaladda Saint Cloud ee gobolka Minnesota ayaa Dr. Hudda Ibrahim u magacaabay in ay kamid noqoto guddiga gollaha deegaanka magaaladda Saint Cloud. Hudda ayaa qabanaysa xilkii uu hayey Jake Anderson oo bishii November loo doortay in uu noqdo duqa magaaladda Saint Cloud.
Dr. Hudda Ibrahim ayaa waxaa u codeeyay dhamaan xubnaha guddiga gollaha deegaanka magaaladda Saint Cloud ee gobolka Minnesota. Dr. Hudda Ibrahim ayaa taariikh cusub ka dhigtay magaaladda Saint Cloud. Waxay noqotay qofkii u horeeyay ee Soomaali ah ee xil dowladeed ka qabta magaaladda Saint Cloud.
Xigashadda sawiradda: Xidig TV
SAINT PAUL – Magaaladda St. Paul ee gobolka Minnesota ayaa bixisay dhamaan deymo la xiriira caafimaadka oo lagu lahaa 32,000 oo qof oo deggen magaaladda. Duqa magaaladda St. Paul iyo shaqaalaha howshan ka shaqeeyay ayaa todobaadkan waraaqo u diraya 32,000 oo qof oo ay u sheegayaan in dhamaan wixii dayn caafimaad ee lagu lahaa laga bixiyay, lagan tirtiri doono.
Arrintan oo aad loo hadal hayo ayaa waxaa balanqaaday duqa magaaladda St. Paul Melvin Carter markii uu ku jiray ololaha doorashadda ee dib loogu doortay. Haddaba magaaladda St. Paul ayaa tirtirtay daymo qiimo ahaan ah $40 milyan oo ah daymo la xiriira caafimaadka oo lagu lahaa dadka deggen magaaladda. Duqa magaalada St. Paul Melvin Carter ayaa sheegay in qorshahan looga golleeyahay in taageero la siiyo dadka daynta lagu leeyahay ee deggen magaaladda St. Paul si culeyksa dhaqaale looga qaado, loona garab qabto oo loo kaalmeeyo.
Local News
NINKII SHANTA GABDHOOD SHILKA KU DILAY OO DIIDAY HESHIIS QIRASHO AH, GO’AANSADAYNA IN MAXKAMAD LA HORGEEYO
MINNEAPOLIS – Derrick Thompson oo ah ninkii shanta gabdhood ee Soomaalida ah shil gaadhi ku dilay ayaa diiday heshiis qirasho ah oo ay haweenayda ah Xeer-ilaaliyaha Degmadda Hennepin soo hordhigtay, balse ninkan ayaa sheegay in uu beddelkeeda maxkamadayn doonayo. Ninkan ayaa ku eedaysan dil darajada saddexaad ah iyo dil baabuur oo lagu eedeeyay in uu baabuur ku dhacay oo uu dilay shan gabdhood oo saaxiibo ah isaga oo ka baxsanaya booliiska.
Bishii hore ayeey maxkamad heer federaal ah ninkan ku heshay dhowr dembi oo la xiriira dilka gabdhaha. Qareenada Degmadda Hennepin ayaa xaqiijiyay in Derrick Thompson iyo qareenada difaacaya ay diideen heshiiska qiraalka ah, iyaga oo door biday in dacwadda la billaabo Febraayo 18, 2025 oo maxkamad la aado.
Derrick Thompson ayaa lagu soo oogay shan dacwadood oo kala ah dil darajada saddexaad ah iyo 10 fal dambiyeed dil baabuur ah oo sababay dhimashada shan gabdhood oo dhallinyaro ah oo da’doodu u dhaxayso 17 ilaa 20 jir: Salma Mohamed Abdikadir, Sahra Liban Gesaade, Sagal Burhaan Hersi, Siham Adan Odhowa, and Sabiriin Mohamoud Cali.
-
Local News5 months agoGovernor Walz Announces Minnesota Ranked as a Top State for Business
-
Local News2 months agoCelebrating Community: The Inaugural Samafal Gala at the Minnesota Somali Community Center
-
Community3 months agoYouth Leader and Mentor: Mohamed Jama’s Fight for Change in Whittier
-
Local News5 months agoSecretary Simon Named President of the National Association of Secretaries of State
-
Local News3 months agoBCA Identifies man shot by Minneapolis police after firing AK-47 in Minneapolis apartment building
-
Local News2 months agoNINKII SHANTA GABDHOOD SHILKA KU DILAY OO DIIDAY HESHIIS QIRASHO AH, GO’AANSADAYNA IN MAXKAMAD LA HORGEEYO
-
Videos2 months agoContracting: Mastering the Basics and Beyond – Nov 13th
-
Local News1 month agoMagaaladda St. Paul oo bixisay deymo lagu lahaa 32,000 oo qof