Local News
Labbo wiil oo dhac hubeysan u geysan jiray darawallada Uber iyo Lyft oo dacwad lagu soo oogay
MINNEAPOLIS – Labbo wiil oo lagu eedaynayo in ay ku lug lahaayeen falal isugu jira dhac iyo dhac hubeysan oo ay la beegsadeen darawallada Uber iyo Lyft ayaa dacwad lagu soo oogay.
Xeer Ilaaliyaha dalka Mareykanka u fadhiya gobolka Minnesota Andrew Luger ayaa soo saaray bayaan maalintii Arbacada isaga oo sheegay in 20 dambi iyo eedo ku soo oogay labbadan nin.
“Bishii hore, aniga oo ay i weheliyaan qaar kamid ah hawlgalayaasha fulinta sharciga federaalka iyo qaar kamid ah laamaha Ilaalinta Ammniga ee ka howl gala gobolka Minnesota, waxaan ku dhawaaqay istaraatiijiyad cusub oo wax looga qabanayo dembiyada iyo rabshadaha sii kordhaya ee saameeyay shicibka ku dhaqan magaalooyinka kala duwan ee gobolka Minnesota. Haddaba Eedda maanta lagu soo oogay labbaddan nin ayaa kamid ah tallaabooyin muhim ah oo la qaaday oo la xiriira istiraatiijiyadda ammniga lagu sugayo,” ayuu yiri Xeer Ilaaliyaha Luger. “Sida lagu eedeeyay, labbadan eedaysane ayaa iyagu masuul ka ahaa oo hogaaminayey burcad bareer cad u sameeyay dhac joogto ah, rabshado taxane ah iyo falal qorshaysan oo ka dhan ah darawaliinta ku ganacsaddda ama ku shaqaysta Uber iyo Lyft.”
Dacwad oogayaasha ayaa sheegay intii u dhaxaysay Sebtembar iyo Oktoobar ee sannadkii 2021 in Shevirio Childs-Young oo jira 18-sanno iyo William Saffold oo 20 jir ay dhac qorsheysan u geysteen darawaliin iyagoo iska dhigaya in ay yihiin rakaab raba in la qaadayo ama la dejinayo.
Marka ay dareewaladu yimaadaana, labaddan wiil waa Childs-Young, Saffold, iyo koox kale oo la shaqaysaneysay ayaa qoryo iyo baskoolad ku qabanayey darawaladda, kaddibna waxay darawallada ka dalbanayeen taleefannada gacanta, wixii lacag ah ama hanti ay wataan iyo boorsooyinka jeebka ugu jira. Darawaladda ayee sidoo kale marka ay ku qabtaan qoryaha waxay ku qasbayeen in ay furaan taleefanadooda oo ay bixiyaan furaha ama (password-ka) ay taleefanka ku furtaan.
Marka ay taleefanka iyo furaha (password-ka) lagu furo ay qasab iyo qori caaradiisa uga qaataan darawaladda waxa ay lacag ku xawilanayeen oo ay u dirsanyeen taleefanadooda iyaga oo isticmaalaya CashApp-ka lacagaha la iskugu diro, lacagtaas oo ay kala baxayeen akoonadooda dirawaladda, sidoo kale waxay qaadanayeen oo ay la baxsanayeen baabuurta dirawaladda ay dhaca u geysteen ay ku shaqaysanayeen. Gacan qaad ayeey u geysanayeen dirawaladda iyaga oo bastooladda ku garaacaya , uguna hanjabaya in ay dilayaan dhibanayaasha ay dhaca u geysteen.
Labaddan wiil ayaa lagu soo oogay dacwado ay ka mid yihiin shirqool, hub si sharci daro ah loo isticmaalay, dambiyo falal argagixiso ah, rabshado qorsheysan iyo faragelin ganacsi iyo tuuganimo. Wiilashan ayaa hadda xabsi lagu hayaa, waana loo diiday in la damiinto, ilaa iyo ay maxkamadooda laga gaarayo waxaa lagu haynayaa maxkamadda.
Local News
Hudda Ibrahim oo xil loo magacaabay islamarkaana ay ansixiyeen guddiga golaha deegaanka magaaladda Saint Cloud
Saint Cloud – Guddiga golaha deegaanka magaaladda Saint Cloud ee gobolka Minnesota ayaa Dr. Hudda Ibrahim u magacaabay in ay kamid noqoto guddiga gollaha deegaanka magaaladda Saint Cloud. Hudda ayaa qabanaysa xilkii uu hayey Jake Anderson oo bishii November loo doortay in uu noqdo duqa magaaladda Saint Cloud.
Dr. Hudda Ibrahim ayaa waxaa u codeeyay dhamaan xubnaha guddiga gollaha deegaanka magaaladda Saint Cloud ee gobolka Minnesota. Dr. Hudda Ibrahim ayaa taariikh cusub ka dhigtay magaaladda Saint Cloud. Waxay noqotay qofkii u horeeyay ee Soomaali ah ee xil dowladeed ka qabta magaaladda Saint Cloud.
Xigashadda sawiradda: Xidig TV
SAINT PAUL – Magaaladda St. Paul ee gobolka Minnesota ayaa bixisay dhamaan deymo la xiriira caafimaadka oo lagu lahaa 32,000 oo qof oo deggen magaaladda. Duqa magaaladda St. Paul iyo shaqaalaha howshan ka shaqeeyay ayaa todobaadkan waraaqo u diraya 32,000 oo qof oo ay u sheegayaan in dhamaan wixii dayn caafimaad ee lagu lahaa laga bixiyay, lagan tirtiri doono.
Arrintan oo aad loo hadal hayo ayaa waxaa balanqaaday duqa magaaladda St. Paul Melvin Carter markii uu ku jiray ololaha doorashadda ee dib loogu doortay. Haddaba magaaladda St. Paul ayaa tirtirtay daymo qiimo ahaan ah $40 milyan oo ah daymo la xiriira caafimaadka oo lagu lahaa dadka deggen magaaladda. Duqa magaalada St. Paul Melvin Carter ayaa sheegay in qorshahan looga golleeyahay in taageero la siiyo dadka daynta lagu leeyahay ee deggen magaaladda St. Paul si culeyksa dhaqaale looga qaado, loona garab qabto oo loo kaalmeeyo.
Local News
NINKII SHANTA GABDHOOD SHILKA KU DILAY OO DIIDAY HESHIIS QIRASHO AH, GO’AANSADAYNA IN MAXKAMAD LA HORGEEYO
MINNEAPOLIS – Derrick Thompson oo ah ninkii shanta gabdhood ee Soomaalida ah shil gaadhi ku dilay ayaa diiday heshiis qirasho ah oo ay haweenayda ah Xeer-ilaaliyaha Degmadda Hennepin soo hordhigtay, balse ninkan ayaa sheegay in uu beddelkeeda maxkamadayn doonayo. Ninkan ayaa ku eedaysan dil darajada saddexaad ah iyo dil baabuur oo lagu eedeeyay in uu baabuur ku dhacay oo uu dilay shan gabdhood oo saaxiibo ah isaga oo ka baxsanaya booliiska.
Bishii hore ayeey maxkamad heer federaal ah ninkan ku heshay dhowr dembi oo la xiriira dilka gabdhaha. Qareenada Degmadda Hennepin ayaa xaqiijiyay in Derrick Thompson iyo qareenada difaacaya ay diideen heshiiska qiraalka ah, iyaga oo door biday in dacwadda la billaabo Febraayo 18, 2025 oo maxkamad la aado.
Derrick Thompson ayaa lagu soo oogay shan dacwadood oo kala ah dil darajada saddexaad ah iyo 10 fal dambiyeed dil baabuur ah oo sababay dhimashada shan gabdhood oo dhallinyaro ah oo da’doodu u dhaxayso 17 ilaa 20 jir: Salma Mohamed Abdikadir, Sahra Liban Gesaade, Sagal Burhaan Hersi, Siham Adan Odhowa, and Sabiriin Mohamoud Cali.
-
Local News5 months agoGovernor Walz Announces Minnesota Ranked as a Top State for Business
-
Local News2 months agoCelebrating Community: The Inaugural Samafal Gala at the Minnesota Somali Community Center
-
Community3 months agoYouth Leader and Mentor: Mohamed Jama’s Fight for Change in Whittier
-
Local News5 months agoSecretary Simon Named President of the National Association of Secretaries of State
-
Local News3 months agoBCA Identifies man shot by Minneapolis police after firing AK-47 in Minneapolis apartment building
-
Local News2 months agoNINKII SHANTA GABDHOOD SHILKA KU DILAY OO DIIDAY HESHIIS QIRASHO AH, GO’AANSADAYNA IN MAXKAMAD LA HORGEEYO
-
Videos2 months agoContracting: Mastering the Basics and Beyond – Nov 13th
-
Local News1 month agoMagaaladda St. Paul oo bixisay deymo lagu lahaa 32,000 oo qof