Local News
Dhisme maydadka u dhinta COVID 19 lagu keydiyo oo ay Minnesota gadatay
Dhisme maydadka u dhinta cudurka COVID 19 lagu keydiyo oo ay madaxda gobolka Minnesota gadeen.
Madaxda gobolka Minnesota ayaa u diyaargaroobaya marxalladda iyo xaalka ay wax noqon doonaan marka dib loo wada furo meel walba oo xanibaada guri jooga ah laga qaado gobolka oo dhan.
Hadddaba madaxda gobolka Minnesota ayaa qiyaasaya in dad aad u tiro baddani ay u dhiman doonaan cudurka Coronavirus (COVID 19), dhimashadaa baddina ay keeni doonto in maydadka dadka dhinta ay gaari doonto kun (1,000) qof todobaadkiiba. Cabsidaas ay qabaan madaxda gobolka Minnesota ayaa keentay in ay iibsadeen dhismihii hore ee Bix Production oo ku yaala magaalada St. Paul, dhismahan oo ay rabaan in ay ku keydiyaan maydadka dadka u dhinta cudurka COVID 19.
Dhismoyaasha iyo goobaha gaarka loo leeyahay ee hadda la dhigo meydadka dadka dhinta ayaa la qiyaasayaa in ayna awood iyo baaxad ay ku maareeyaan meydadka tiraddaban ee la qiyaasayo lahayn. Cabsidaas ayaa haddaba keentay in ay madaxda gobolka Minnesota ee maamulaya howsha cudurka COVID 19 ay lacag ah $ 5.475 Milyan ay ku gataan dhismihii hore ee Bix Production ee ku yaal Wadada ‘L’Orient Avenue’ ee St. Paul si ay ugu kaydiyaan maydadka dadka u dhinta cudurka ‘coronavirus’.
Maalintii Isniinta ee bisha May 18, 2020 ay ahayd ayaa dib loo furay meelo baddan oo kamid ah gobolka Minnesota, waxaana lagu tallo jiraa in si rasmi ah dhamaan meel walba loo furo Kowda bisha June, 2020.
SAINT PAUL – Magaaladda St. Paul ee gobolka Minnesota ayaa bixisay dhamaan deymo la xiriira caafimaadka oo lagu lahaa 32,000 oo qof oo deggen magaaladda. Duqa magaaladda St. Paul iyo shaqaalaha howshan ka shaqeeyay ayaa todobaadkan waraaqo u diraya 32,000 oo qof oo ay u sheegayaan in dhamaan wixii dayn caafimaad ee lagu lahaa laga bixiyay, lagan tirtiri doono.
Arrintan oo aad loo hadal hayo ayaa waxaa balanqaaday duqa magaaladda St. Paul Melvin Carter markii uu ku jiray ololaha doorashadda ee dib loogu doortay. Haddaba magaaladda St. Paul ayaa tirtirtay daymo qiimo ahaan ah $40 milyan oo ah daymo la xiriira caafimaadka oo lagu lahaa dadka deggen magaaladda. Duqa magaalada St. Paul Melvin Carter ayaa sheegay in qorshahan looga golleeyahay in taageero la siiyo dadka daynta lagu leeyahay ee deggen magaaladda St. Paul si culeyksa dhaqaale looga qaado, loona garab qabto oo loo kaalmeeyo.
Local News
NINKII SHANTA GABDHOOD SHILKA KU DILAY OO DIIDAY HESHIIS QIRASHO AH, GO’AANSADAYNA IN MAXKAMAD LA HORGEEYO
MINNEAPOLIS – Derrick Thompson oo ah ninkii shanta gabdhood ee Soomaalida ah shil gaadhi ku dilay ayaa diiday heshiis qirasho ah oo ay haweenayda ah Xeer-ilaaliyaha Degmadda Hennepin soo hordhigtay, balse ninkan ayaa sheegay in uu beddelkeeda maxkamadayn doonayo. Ninkan ayaa ku eedaysan dil darajada saddexaad ah iyo dil baabuur oo lagu eedeeyay in uu baabuur ku dhacay oo uu dilay shan gabdhood oo saaxiibo ah isaga oo ka baxsanaya booliiska.
Bishii hore ayeey maxkamad heer federaal ah ninkan ku heshay dhowr dembi oo la xiriira dilka gabdhaha. Qareenada Degmadda Hennepin ayaa xaqiijiyay in Derrick Thompson iyo qareenada difaacaya ay diideen heshiiska qiraalka ah, iyaga oo door biday in dacwadda la billaabo Febraayo 18, 2025 oo maxkamad la aado.
Derrick Thompson ayaa lagu soo oogay shan dacwadood oo kala ah dil darajada saddexaad ah iyo 10 fal dambiyeed dil baabuur ah oo sababay dhimashada shan gabdhood oo dhallinyaro ah oo da’doodu u dhaxayso 17 ilaa 20 jir: Salma Mohamed Abdikadir, Sahra Liban Gesaade, Sagal Burhaan Hersi, Siham Adan Odhowa, and Sabiriin Mohamoud Cali.
Local News
Duqa magaaladda Minneapolis Jacob Frey ayaa qorsheynaya inuu mar kale isu soo taago doorashada Duqa Magaaladda
MINNEAPOLIS – Duqa magaaladda Jacob Frey ayaa sheegay inuu qorsheynayo inuu mar kale isu soo taago doorashada sannadka soo socda.
“Waxaan isku diyaarinayaa inaan noqdo musharax u tartamaya xilka duqa magaaladda, laakiin weli si rasmi ah uma shaacin,” Frey ayaa qoraal ku sheegay Isniintii.
Jacob Frey ayaa markii u horeysay loo doortay duqa magaaladda sannadkii 2017, isaga oo ka adkaaday Betsy Hodges. Jacob Frey ayaa ahaan jiray Gudoomiyaha Golaha Deegaanka ee degmadda 3-aad ee magaaladda Minneapolis 2014 ilaa 2018 inta uusan noqonin duqa magaaladda.
Xigashadda sawirka: Magaaladda Minneapolis
-
Local News1 month agoCelebrating Community: The Inaugural Samafal Gala at the Minnesota Somali Community Center
-
Local News4 months agoGovernor Walz Announces Minnesota Ranked as a Top State for Business
-
Community2 months agoYouth Leader and Mentor: Mohamed Jama’s Fight for Change in Whittier
-
Local News4 months agoSecretary Simon Named President of the National Association of Secretaries of State
-
Local News2 months agoBCA Identifies man shot by Minneapolis police after firing AK-47 in Minneapolis apartment building
-
Local News2 weeks agoNINKII SHANTA GABDHOOD SHILKA KU DILAY OO DIIDAY HESHIIS QIRASHO AH, GO’AANSADAYNA IN MAXKAMAD LA HORGEEYO
-
Local News1 week agoMagaaladda St. Paul oo bixisay deymo lagu lahaa 32,000 oo qof
-
Health2 months agoAttention, Minnesota! Measles Outbreak Alert