Local News
Donald trump oo ku dhawaaqay dilka Albaqdaadi
Ka dib howlgal qorshaysan oo habeen hore ka dhacay dalka syria gaar ahaan dhanka waqooyi ayaa waxaa lagu dilay hogaamiyihii kooxda Khilaafada Islaamka ee Daacish ama ISIS aduunka looga yaqaano Abuu Bakar Albaqdaadi ka dib markii Ciidamada sida gaarka ah utababaran ee dalka Maraykanka ay ku guulaysteen inay dilaan hogaamiyahaasi ayaa waxaa ka hadlay dilkaasi Madaxweynaha dalka Maraykanka Donald Trump wuxuuna sheegay in maanta aduunka ay ubaahinayaan war weyn oo caalamka oo dhan ku farxayaan kaas oo ah in ay ku guulaysteen dilka hogaamiyihii mayalka adkaa ee kooxda Daacish Abuu Bakar Al baqdaadi.
Madaxweynaha Maraykanka Donald Trump ayaa xaqiijiyay in dilka Abuu Bakar Al baqdaadi dhab yahay oo la hubo ka dib markii qayb ka mid ah jirka hogaamiyahaasi dheecaan ay ka qaadeen ku ogaadeen in Abuu Bakar Al baqdaadi si dhab ah udileen oo warkan xaqiiq yahay sidoo kale Donald Trump wuxuu ku faanay in sidaan oo kale horay udileen hogaamiyihii Al qaacida Usaama Billaadan iyo hogaamiyaal kale.
Donald Trump ayaa waxaa kaloo uu sheegay in si sahal ah lagu dilin hogaamiyahan balse markii si loo eego aad ufududayd dilka hogaamiyahan ka dib markii Ciidamadooda oo isticmaalaya xeeladoodo adag ay ka daateen diyaaradihii waday ka dibna toos u abaaray hoyga uu deganaa hogaamiyaha wax yar ka dibna ku bilaabay rasaas iyo xeelado kale oo Ciidamadooda gaar u tahay sida uu sheegay Madaxweynaha dalka Maraykanka Donald Trump.
Weerarkaas ayaa wuxuu sheegay Donald Trump inuu ku dhaawacmay Abuu Bakar Al baqdaadi ka dibna uu ku cararay god weyn oo horay udiyaarsaday ka dibna uu qarxiyay Jaakadiisa oo qaraxa ugu xirnaa waxaa kaloo intaas dheer oo uu sheegay Madaxweynaha dalka Maraykanka Donald Trump in markii godka uu galayay gacmaha uu ku haystay laba caruur ah kuwaas oo la dhintay hogaamiyihii Daacish Abuu Bakar Al baqdaadi ka dibna dheecaan ay ka soo qaadeen Ciidamadooda baaritaan lagu sameeyay lagu xaqiijiyay in Ciidamada Maraykanka ay ku guulaysteen dilka hogaamiyihii mayalka adkaa ee kooxda Daacish Abuu Bakar Al baqdaadi.
Hogaamiyahan hadda la xaqiijiyay dilkiisa Abuu Bakar Al baqdaadi ayaa magaciisa dhabta ah wuxuu yahay Ibraahim Cawad Ibraahim Al-Badri wuxuuna ku dhashay magaalada Samaara ee dalka Ciraaq oo ku taala bartamaha dalkaasi wuxuuna dhashay sanadka markuu ahaa 1971-dii wuxuuna ka dhashay qoy carab ah oo ka soo jeeda dalka Ciraaq sidoo kale qoyskiisa waa muslim Suni ah.
Xilkan kooxda Daacish ayaa wuxuu la warewgay Sanadkii 2010-kii ka dib markii ciidamada Maraykanka ay dileen hoggaamiyihii kooxdaasi Abuu Cumar Al-Baqdaadi iyo ku xigeenkiisii Abuu Ayuub Al-Masri.
Intii Maraykanka ay doo doonayeen Abuu Bakar Al baqdaadi ayaa waxay madaxiisa duldhigeen 25 Milyan oo Dollar cidii soo disha ama soo sheegta meesha dhabta ah ee uu ku sugan yahay Abuu Bakar Al baqdaadi in qarashkaas la siinayo balse hadda Ciidamadooda ay ku guulaysteen inay dilaan.
Ugu dambayn Madaxweynaha dalka Maraykanka Donald Trump ayaa sheegay in guriga uu ka deganaa waqooyiga Syria Abuu Bakar Al baqdaadi ku arkeen Haween iyo dhowr caruur ah ayna ku wareejiyeen shaqsi amaan ah sida uu sheegay Donald Trump.
SAINT PAUL – Magaaladda St. Paul ee gobolka Minnesota ayaa bixisay dhamaan deymo la xiriira caafimaadka oo lagu lahaa 32,000 oo qof oo deggen magaaladda. Duqa magaaladda St. Paul iyo shaqaalaha howshan ka shaqeeyay ayaa todobaadkan waraaqo u diraya 32,000 oo qof oo ay u sheegayaan in dhamaan wixii dayn caafimaad ee lagu lahaa laga bixiyay, lagan tirtiri doono.
Arrintan oo aad loo hadal hayo ayaa waxaa balanqaaday duqa magaaladda St. Paul Melvin Carter markii uu ku jiray ololaha doorashadda ee dib loogu doortay. Haddaba magaaladda St. Paul ayaa tirtirtay daymo qiimo ahaan ah $40 milyan oo ah daymo la xiriira caafimaadka oo lagu lahaa dadka deggen magaaladda. Duqa magaalada St. Paul Melvin Carter ayaa sheegay in qorshahan looga golleeyahay in taageero la siiyo dadka daynta lagu leeyahay ee deggen magaaladda St. Paul si culeyksa dhaqaale looga qaado, loona garab qabto oo loo kaalmeeyo.
Local News
NINKII SHANTA GABDHOOD SHILKA KU DILAY OO DIIDAY HESHIIS QIRASHO AH, GO’AANSADAYNA IN MAXKAMAD LA HORGEEYO
MINNEAPOLIS – Derrick Thompson oo ah ninkii shanta gabdhood ee Soomaalida ah shil gaadhi ku dilay ayaa diiday heshiis qirasho ah oo ay haweenayda ah Xeer-ilaaliyaha Degmadda Hennepin soo hordhigtay, balse ninkan ayaa sheegay in uu beddelkeeda maxkamadayn doonayo. Ninkan ayaa ku eedaysan dil darajada saddexaad ah iyo dil baabuur oo lagu eedeeyay in uu baabuur ku dhacay oo uu dilay shan gabdhood oo saaxiibo ah isaga oo ka baxsanaya booliiska.
Bishii hore ayeey maxkamad heer federaal ah ninkan ku heshay dhowr dembi oo la xiriira dilka gabdhaha. Qareenada Degmadda Hennepin ayaa xaqiijiyay in Derrick Thompson iyo qareenada difaacaya ay diideen heshiiska qiraalka ah, iyaga oo door biday in dacwadda la billaabo Febraayo 18, 2025 oo maxkamad la aado.
Derrick Thompson ayaa lagu soo oogay shan dacwadood oo kala ah dil darajada saddexaad ah iyo 10 fal dambiyeed dil baabuur ah oo sababay dhimashada shan gabdhood oo dhallinyaro ah oo da’doodu u dhaxayso 17 ilaa 20 jir: Salma Mohamed Abdikadir, Sahra Liban Gesaade, Sagal Burhaan Hersi, Siham Adan Odhowa, and Sabiriin Mohamoud Cali.
Local News
Duqa magaaladda Minneapolis Jacob Frey ayaa qorsheynaya inuu mar kale isu soo taago doorashada Duqa Magaaladda
MINNEAPOLIS – Duqa magaaladda Jacob Frey ayaa sheegay inuu qorsheynayo inuu mar kale isu soo taago doorashada sannadka soo socda.
“Waxaan isku diyaarinayaa inaan noqdo musharax u tartamaya xilka duqa magaaladda, laakiin weli si rasmi ah uma shaacin,” Frey ayaa qoraal ku sheegay Isniintii.
Jacob Frey ayaa markii u horeysay loo doortay duqa magaaladda sannadkii 2017, isaga oo ka adkaaday Betsy Hodges. Jacob Frey ayaa ahaan jiray Gudoomiyaha Golaha Deegaanka ee degmadda 3-aad ee magaaladda Minneapolis 2014 ilaa 2018 inta uusan noqonin duqa magaaladda.
Xigashadda sawirka: Magaaladda Minneapolis
-
Local News1 month agoCelebrating Community: The Inaugural Samafal Gala at the Minnesota Somali Community Center
-
Local News4 months agoGovernor Walz Announces Minnesota Ranked as a Top State for Business
-
Community2 months agoYouth Leader and Mentor: Mohamed Jama’s Fight for Change in Whittier
-
Local News4 months agoSecretary Simon Named President of the National Association of Secretaries of State
-
Local News2 months agoBCA Identifies man shot by Minneapolis police after firing AK-47 in Minneapolis apartment building
-
Local News2 weeks agoNINKII SHANTA GABDHOOD SHILKA KU DILAY OO DIIDAY HESHIIS QIRASHO AH, GO’AANSADAYNA IN MAXKAMAD LA HORGEEYO
-
Local News1 week agoMagaaladda St. Paul oo bixisay deymo lagu lahaa 32,000 oo qof
-
Health2 months agoAttention, Minnesota! Measles Outbreak Alert