Local News
Imtixaanka loo galo Qaadashadda Sharciga dhalashada Mareykanka oo wax laga baddalay
MINNEAPOLIS – Waaxda Adeegga Jinsiyadda iyo Socdaalka Mareykanka ayaa isbeddel ku sameysay imtixaanka ay galaan dadka qaadanaya sharciga dhalashadda dalka Mareykanka, gaar ahaan dadka naafada ah. Isbeddelka lagu sameeyay imtixaanka ayaa meesha ka saaray caqabado baddan oo lagu kordhiyay imtixaanka xilligii uu Donald Trump madaxweynaha ka ahaa dalka Mareykanka oo saameyn ku yeeshay dadka naafada ah.
Imtixaanka ayaa kamid ah tallaabooyinka lagu qaato sharciga dhalashadda dalka Mareykanka. Waxaana dadka lagu imtixaamaa sida ay wax u akhrin karaan, u qori karaan, una fahmaan Ingiriisiga. Sidoo kale waxaa la fiiriya in ay fahmaan taariikhda iyo dawladda Maraykanka. Laga soo bilaabo 1994-tii, dawladda federaalka dalka Mareykanka ayaa u ogolaatay dadka naafada ah ee soogalootiga ah in ay helaan tix-gelin dheeraad ah oo u ogolaanaya in laga dhaafo qaar kamid ah shuruudaha laga rabo dadka qaadanaya imtixaanka, waa haddii ay codsaddaan.
Maamulkii hore ee Trump ayaa su’aalo baddan ku daray imtixaanka oo ballaariyay shuruudaha laga rabo dadka naafada ah ee codsada in sababo la xiriira naafadooda ay u baahan yihiin tix gelin dheeraad ah, iyaga oo mararka qaarkood wata cadeymo tusaya sababta ama sababaha ku kalifay in ay codsadaan
Bayaan uu soo saaray todobaadkii hore, Agaasimaha Waaxda Adeegga Jinsiyadda iyo Socdaalka Mareykanka (USCIS) Ur Jaddo ayuu ku sheegay in dib u eegista iyo beddelka lagu sameeyay imtixaanka ay qayb ka yihiin amar uu soo saaray Madaxweyne Biden oo wax looga baddalayo nidaamka la xiriira sharciyadda socdaalka Maraykanka.
Local News
Hudda Ibrahim oo xil loo magacaabay islamarkaana ay ansixiyeen guddiga golaha deegaanka magaaladda Saint Cloud
Saint Cloud – Guddiga golaha deegaanka magaaladda Saint Cloud ee gobolka Minnesota ayaa Dr. Hudda Ibrahim u magacaabay in ay kamid noqoto guddiga gollaha deegaanka magaaladda Saint Cloud. Hudda ayaa qabanaysa xilkii uu hayey Jake Anderson oo bishii November loo doortay in uu noqdo duqa magaaladda Saint Cloud.
Dr. Hudda Ibrahim ayaa waxaa u codeeyay dhamaan xubnaha guddiga gollaha deegaanka magaaladda Saint Cloud ee gobolka Minnesota. Dr. Hudda Ibrahim ayaa taariikh cusub ka dhigtay magaaladda Saint Cloud. Waxay noqotay qofkii u horeeyay ee Soomaali ah ee xil dowladeed ka qabta magaaladda Saint Cloud.
Xigashadda sawiradda: Xidig TV
SAINT PAUL – Magaaladda St. Paul ee gobolka Minnesota ayaa bixisay dhamaan deymo la xiriira caafimaadka oo lagu lahaa 32,000 oo qof oo deggen magaaladda. Duqa magaaladda St. Paul iyo shaqaalaha howshan ka shaqeeyay ayaa todobaadkan waraaqo u diraya 32,000 oo qof oo ay u sheegayaan in dhamaan wixii dayn caafimaad ee lagu lahaa laga bixiyay, lagan tirtiri doono.
Arrintan oo aad loo hadal hayo ayaa waxaa balanqaaday duqa magaaladda St. Paul Melvin Carter markii uu ku jiray ololaha doorashadda ee dib loogu doortay. Haddaba magaaladda St. Paul ayaa tirtirtay daymo qiimo ahaan ah $40 milyan oo ah daymo la xiriira caafimaadka oo lagu lahaa dadka deggen magaaladda. Duqa magaalada St. Paul Melvin Carter ayaa sheegay in qorshahan looga golleeyahay in taageero la siiyo dadka daynta lagu leeyahay ee deggen magaaladda St. Paul si culeyksa dhaqaale looga qaado, loona garab qabto oo loo kaalmeeyo.
Local News
NINKII SHANTA GABDHOOD SHILKA KU DILAY OO DIIDAY HESHIIS QIRASHO AH, GO’AANSADAYNA IN MAXKAMAD LA HORGEEYO
MINNEAPOLIS – Derrick Thompson oo ah ninkii shanta gabdhood ee Soomaalida ah shil gaadhi ku dilay ayaa diiday heshiis qirasho ah oo ay haweenayda ah Xeer-ilaaliyaha Degmadda Hennepin soo hordhigtay, balse ninkan ayaa sheegay in uu beddelkeeda maxkamadayn doonayo. Ninkan ayaa ku eedaysan dil darajada saddexaad ah iyo dil baabuur oo lagu eedeeyay in uu baabuur ku dhacay oo uu dilay shan gabdhood oo saaxiibo ah isaga oo ka baxsanaya booliiska.
Bishii hore ayeey maxkamad heer federaal ah ninkan ku heshay dhowr dembi oo la xiriira dilka gabdhaha. Qareenada Degmadda Hennepin ayaa xaqiijiyay in Derrick Thompson iyo qareenada difaacaya ay diideen heshiiska qiraalka ah, iyaga oo door biday in dacwadda la billaabo Febraayo 18, 2025 oo maxkamad la aado.
Derrick Thompson ayaa lagu soo oogay shan dacwadood oo kala ah dil darajada saddexaad ah iyo 10 fal dambiyeed dil baabuur ah oo sababay dhimashada shan gabdhood oo dhallinyaro ah oo da’doodu u dhaxayso 17 ilaa 20 jir: Salma Mohamed Abdikadir, Sahra Liban Gesaade, Sagal Burhaan Hersi, Siham Adan Odhowa, and Sabiriin Mohamoud Cali.
-
Local News6 months agoGovernor Walz Announces Minnesota Ranked as a Top State for Business
-
Local News3 months agoCelebrating Community: The Inaugural Samafal Gala at the Minnesota Somali Community Center
-
Community4 months agoYouth Leader and Mentor: Mohamed Jama’s Fight for Change in Whittier
-
Local News6 months agoSecretary Simon Named President of the National Association of Secretaries of State
-
Local News4 months agoBCA Identifies man shot by Minneapolis police after firing AK-47 in Minneapolis apartment building
-
Videos3 months agoContracting: Mastering the Basics and Beyond – Nov 13th
-
Local News3 months agoNINKII SHANTA GABDHOOD SHILKA KU DILAY OO DIIDAY HESHIIS QIRASHO AH, GO’AANSADAYNA IN MAXKAMAD LA HORGEEYO
-
Local News3 months agoDuqa magaaladda Minneapolis Jacob Frey ayaa qorsheynaya inuu mar kale isu soo taago doorashada Duqa Magaaladda