Local News
Isku dhac dhexmaray Booliiska Minneapolis iyo shicib mudaharaadayey
Waxaa magaaladda Minneapolis maanta ka dhacay isku dhac dhexmaray dad shicib ah oo mudaharaad iyo banaanbax samaynayey iyo ciidanka booliiska magaaladda Minneapolis.
Dad weyne aad u tiro baddan oo ka xanaaqay dil loo geystay George Floyd oo shalay booliiska magaaladda Minneapolis ay dileen. Afar kamid ah ciidanka Booliiska Minneapolis ayaa Isniintii May 25, 2020 dil ugu geystay George Floyd oo ahaa madowga u dhashay dalka Mareykanka.
Isku dhaca dhexmaray booliiska iyo dadweynaha mudaharaadayey ayaa sababay in la jajabiyo qaar kamid ah baabuurta ciidanka booliiska iyo daaqadaha dhismaha isteeshinka booliiska. Booliiska ayaa dadweynaha u adeegsadday suntan gaaska ah ee dadka ka ilmeysiisa.
Qaar kamid ah dadweynaha mudaharaadayey ayaa ka jawaab celiyay suntan lala beegsadday iyaga oo dhagaxaan jawaab celin ah ku tuuray booliiska.
Dadweyanaha banaanbaxa sameeyay ayaa qaar kamid ahi ay wateen boodhadh iyo warqado ay ku qoran yihiin, “Ma Neefsan Karo”, “Cadaalad ayaan u rabnaa George Floyd”, “Nolosha Dadka Madoow Qiimo ayeey leedahay”, “Dadka Madoow Nolashoodu waa muhiim”, “Booliisku waa burcad” iyo oraahyo kale oo baddan.
Sidoo kale dadweynaha mudaharaadayey ayaa ku dhawaaqayey ereyo ay kamid yihiin, “Cadaalad daro, waa nabad daro”, “Booliisku waa cadawga koobaad ee dadka madoow”, “Ma neefsan karo”.
George Floyd ayaa waxaa isaga oo xiran, gacmahana ka jeebaysan qoorta uga istaagay oo jilibkiisa ku cadaadiyay askari kamid ah ciidanka booliiska magaaladda Minneapolis halka 2 askari oo kale ay luga hayeen George Floyd, kaddibna neeftii ay ku dhegtay, isaga oo sababtaas u dhintay.
Muqaal video ah oo ay dad shicib ahi duubeen ayaa waxaa ka muuqda George Floyd oo ay neeftu dhibayso kana codsanaya askariga qoortiisa jilibka ku haya, kuna cadaadinaya in ay neeftu ku dhegen tahay oo uuna neefsan karin.
Dilka George Floyd loo geystay ee ula kaca ah ayaa aad loo hadal hayaa dhamaan baraha bulshadda. Warbaahinta dalka Mareykanka ayaa aad u faafinaysa, waxna uga qortay dilkan arxan darada ah. Isku dhacan ka dhashay mudaharaadka cadaalada loogu raadinayo George Floyd ayaa la filayaa in ay sii socdaan ilaa la xiro askartii dishay George Floyd.
Taliyaha Ciidanka Booliska Minneapolis Medaria Arradondo ayaa maanta shaqada ka cayriyey afartii (4) askari ee ku lug lahaa dilka George Floyd. Balse shicibka magallada Minneapolis ayaa doonaya in askarta dilka geystay la xiro, dacwadna lagu soo oogo.
Waxaa bilowday baaritaan la xiriira dilka George Floyd, waxaana baaritaanka samayna waaxda baaritaanka dambiyadda ee gobolka Minnesota iyo FBI-da.
Local News
Hudda Ibrahim oo xil loo magacaabay islamarkaana ay ansixiyeen guddiga golaha deegaanka magaaladda Saint Cloud
Saint Cloud – Guddiga golaha deegaanka magaaladda Saint Cloud ee gobolka Minnesota ayaa Dr. Hudda Ibrahim u magacaabay in ay kamid noqoto guddiga gollaha deegaanka magaaladda Saint Cloud. Hudda ayaa qabanaysa xilkii uu hayey Jake Anderson oo bishii November loo doortay in uu noqdo duqa magaaladda Saint Cloud.
Dr. Hudda Ibrahim ayaa waxaa u codeeyay dhamaan xubnaha guddiga gollaha deegaanka magaaladda Saint Cloud ee gobolka Minnesota. Dr. Hudda Ibrahim ayaa taariikh cusub ka dhigtay magaaladda Saint Cloud. Waxay noqotay qofkii u horeeyay ee Soomaali ah ee xil dowladeed ka qabta magaaladda Saint Cloud.
Xigashadda sawiradda: Xidig TV
SAINT PAUL – Magaaladda St. Paul ee gobolka Minnesota ayaa bixisay dhamaan deymo la xiriira caafimaadka oo lagu lahaa 32,000 oo qof oo deggen magaaladda. Duqa magaaladda St. Paul iyo shaqaalaha howshan ka shaqeeyay ayaa todobaadkan waraaqo u diraya 32,000 oo qof oo ay u sheegayaan in dhamaan wixii dayn caafimaad ee lagu lahaa laga bixiyay, lagan tirtiri doono.
Arrintan oo aad loo hadal hayo ayaa waxaa balanqaaday duqa magaaladda St. Paul Melvin Carter markii uu ku jiray ololaha doorashadda ee dib loogu doortay. Haddaba magaaladda St. Paul ayaa tirtirtay daymo qiimo ahaan ah $40 milyan oo ah daymo la xiriira caafimaadka oo lagu lahaa dadka deggen magaaladda. Duqa magaalada St. Paul Melvin Carter ayaa sheegay in qorshahan looga golleeyahay in taageero la siiyo dadka daynta lagu leeyahay ee deggen magaaladda St. Paul si culeyksa dhaqaale looga qaado, loona garab qabto oo loo kaalmeeyo.
Local News
NINKII SHANTA GABDHOOD SHILKA KU DILAY OO DIIDAY HESHIIS QIRASHO AH, GO’AANSADAYNA IN MAXKAMAD LA HORGEEYO
MINNEAPOLIS – Derrick Thompson oo ah ninkii shanta gabdhood ee Soomaalida ah shil gaadhi ku dilay ayaa diiday heshiis qirasho ah oo ay haweenayda ah Xeer-ilaaliyaha Degmadda Hennepin soo hordhigtay, balse ninkan ayaa sheegay in uu beddelkeeda maxkamadayn doonayo. Ninkan ayaa ku eedaysan dil darajada saddexaad ah iyo dil baabuur oo lagu eedeeyay in uu baabuur ku dhacay oo uu dilay shan gabdhood oo saaxiibo ah isaga oo ka baxsanaya booliiska.
Bishii hore ayeey maxkamad heer federaal ah ninkan ku heshay dhowr dembi oo la xiriira dilka gabdhaha. Qareenada Degmadda Hennepin ayaa xaqiijiyay in Derrick Thompson iyo qareenada difaacaya ay diideen heshiiska qiraalka ah, iyaga oo door biday in dacwadda la billaabo Febraayo 18, 2025 oo maxkamad la aado.
Derrick Thompson ayaa lagu soo oogay shan dacwadood oo kala ah dil darajada saddexaad ah iyo 10 fal dambiyeed dil baabuur ah oo sababay dhimashada shan gabdhood oo dhallinyaro ah oo da’doodu u dhaxayso 17 ilaa 20 jir: Salma Mohamed Abdikadir, Sahra Liban Gesaade, Sagal Burhaan Hersi, Siham Adan Odhowa, and Sabiriin Mohamoud Cali.
-
Local News5 months agoGovernor Walz Announces Minnesota Ranked as a Top State for Business
-
Local News2 months agoCelebrating Community: The Inaugural Samafal Gala at the Minnesota Somali Community Center
-
Community3 months agoYouth Leader and Mentor: Mohamed Jama’s Fight for Change in Whittier
-
Local News5 months agoSecretary Simon Named President of the National Association of Secretaries of State
-
Local News3 months agoBCA Identifies man shot by Minneapolis police after firing AK-47 in Minneapolis apartment building
-
Local News2 months agoNINKII SHANTA GABDHOOD SHILKA KU DILAY OO DIIDAY HESHIIS QIRASHO AH, GO’AANSADAYNA IN MAXKAMAD LA HORGEEYO
-
Videos2 months agoContracting: Mastering the Basics and Beyond – Nov 13th
-
Local News1 month agoMagaaladda St. Paul oo bixisay deymo lagu lahaa 32,000 oo qof