Local News
Maxamed Nuur oo diiday in uu denbiile yahay
Sarkaal Maxamed Nuur ayaa si rasmi ah u diidey in uu danbi galay, si ula kac ahna uu u dilay haweenayda Justine Ruszczyk Damon ee uu isaga oo shaqo ku jira toogtay bishii July 2017. Maxamed Nuur oo maanta maxkamad hor yimid ayaa isaga iyo qareenkiisuba waxay diideen in uu Maxamed Nuur denbiile yahay, waxayna […]
Sarkaal Maxamed Nuur ayaa si rasmi ah u diidey in uu danbi galay, si ula kac ahna uu u dilay haweenayda Justine Ruszczyk Damon ee uu isaga oo shaqo ku jira toogtay bishii July 2017.
Maxamed Nuur oo maanta maxkamad hor yimid ayaa isaga iyo qareenkiisuba waxay diideen in uu Maxamed Nuur denbiile yahay, waxayna makamada si rasmi uga sheegeen in uuna Maxamed si ula kac ah u gelin danbiga lagu soo oogay ee ah dilka haweenayda Justine Ruszczyk Damon.
Sidoo kale Garsooraha Kathryn Quaintance ayaa sheegtay in xeer-ilaaliyeyaasha dacwada ku soo oogay Maxamed Nuur ayna isticmaali karin “falal hore” ama wixii khaladaad hore ee uu Maxamed Nuur horey u sameeyay intii uu ah sarkaal katirsan ciidanka bilays magaalada Minneapolis.
Maxkamadda uu maanta Maxamed Nuur si rasmi ah uu ugu sheegay in uuna wax dembi ah gelin, uuna ku diiday dacwada lagu soo oogay in uu si ula kac ah ugalay dilka haweenayda Justine Ruszczyk Damon ayaa soo af-jartay maxkamadihii horu dhaca u ahaa dambiga lagu soo oogay Maxamed Nuur.
Maxkamada rasmiga ah ayaa bilaabanysa mudo 30 cisho kadib ah ama 1-da bisha April ee fooda nagu soo haysa.
Maxamed Nuur iyo qareenkiisa ayaa maxkamada ka sheegay in uusan galin denbi la xiriira eedeymaha lagu soo oogay ee loo haysto, laakiin waxa uu tilmaamay in ay naftiisu halis ku jirtay oo isagu is difaacayey, taasina ay ka dhigayso denbiile.
Garsooraha u xil saaran dacwada ka dhanka ah Maxamed Nuur Quaintance ayaa sheegtay in ay soo saari doonto xukun goor dambe ah in qareenada dacwada ku soo oogaya Maxamed Nuur ay isticmaali karaan khabiir ka hadla is difaaca ama xooga qofka shicibka ah lagu maquuniyo si uu uga markhaati kaco maxkamada dhacaysa bisha Abriil 1-deeda.
Haddaba maxkamadan iyo dacwada ka dhanka ah sarkaal Maxamed Nuur ayaa ah mid aad loo sugayo, in badan oo kamid ah shicibka iyo warbaahinta gobolka Minnesota iyo guud ahaanba dalka Mareykana laga hadal hayo.
Wixii akhbaar dheerad ah eek u soo kordha maxkamada iyo dacwada la xiriirta sarkaal Maxamed Nuur kala soco Wargeyska Tusmo Times.
Local News
Hudda Ibrahim oo xil loo magacaabay islamarkaana ay ansixiyeen guddiga golaha deegaanka magaaladda Saint Cloud
Saint Cloud – Guddiga golaha deegaanka magaaladda Saint Cloud ee gobolka Minnesota ayaa Dr. Hudda Ibrahim u magacaabay in ay kamid noqoto guddiga gollaha deegaanka magaaladda Saint Cloud. Hudda ayaa qabanaysa xilkii uu hayey Jake Anderson oo bishii November loo doortay in uu noqdo duqa magaaladda Saint Cloud.
Dr. Hudda Ibrahim ayaa waxaa u codeeyay dhamaan xubnaha guddiga gollaha deegaanka magaaladda Saint Cloud ee gobolka Minnesota. Dr. Hudda Ibrahim ayaa taariikh cusub ka dhigtay magaaladda Saint Cloud. Waxay noqotay qofkii u horeeyay ee Soomaali ah ee xil dowladeed ka qabta magaaladda Saint Cloud.
Xigashadda sawiradda: Xidig TV
SAINT PAUL – Magaaladda St. Paul ee gobolka Minnesota ayaa bixisay dhamaan deymo la xiriira caafimaadka oo lagu lahaa 32,000 oo qof oo deggen magaaladda. Duqa magaaladda St. Paul iyo shaqaalaha howshan ka shaqeeyay ayaa todobaadkan waraaqo u diraya 32,000 oo qof oo ay u sheegayaan in dhamaan wixii dayn caafimaad ee lagu lahaa laga bixiyay, lagan tirtiri doono.
Arrintan oo aad loo hadal hayo ayaa waxaa balanqaaday duqa magaaladda St. Paul Melvin Carter markii uu ku jiray ololaha doorashadda ee dib loogu doortay. Haddaba magaaladda St. Paul ayaa tirtirtay daymo qiimo ahaan ah $40 milyan oo ah daymo la xiriira caafimaadka oo lagu lahaa dadka deggen magaaladda. Duqa magaalada St. Paul Melvin Carter ayaa sheegay in qorshahan looga golleeyahay in taageero la siiyo dadka daynta lagu leeyahay ee deggen magaaladda St. Paul si culeyksa dhaqaale looga qaado, loona garab qabto oo loo kaalmeeyo.
Local News
NINKII SHANTA GABDHOOD SHILKA KU DILAY OO DIIDAY HESHIIS QIRASHO AH, GO’AANSADAYNA IN MAXKAMAD LA HORGEEYO
MINNEAPOLIS – Derrick Thompson oo ah ninkii shanta gabdhood ee Soomaalida ah shil gaadhi ku dilay ayaa diiday heshiis qirasho ah oo ay haweenayda ah Xeer-ilaaliyaha Degmadda Hennepin soo hordhigtay, balse ninkan ayaa sheegay in uu beddelkeeda maxkamadayn doonayo. Ninkan ayaa ku eedaysan dil darajada saddexaad ah iyo dil baabuur oo lagu eedeeyay in uu baabuur ku dhacay oo uu dilay shan gabdhood oo saaxiibo ah isaga oo ka baxsanaya booliiska.
Bishii hore ayeey maxkamad heer federaal ah ninkan ku heshay dhowr dembi oo la xiriira dilka gabdhaha. Qareenada Degmadda Hennepin ayaa xaqiijiyay in Derrick Thompson iyo qareenada difaacaya ay diideen heshiiska qiraalka ah, iyaga oo door biday in dacwadda la billaabo Febraayo 18, 2025 oo maxkamad la aado.
Derrick Thompson ayaa lagu soo oogay shan dacwadood oo kala ah dil darajada saddexaad ah iyo 10 fal dambiyeed dil baabuur ah oo sababay dhimashada shan gabdhood oo dhallinyaro ah oo da’doodu u dhaxayso 17 ilaa 20 jir: Salma Mohamed Abdikadir, Sahra Liban Gesaade, Sagal Burhaan Hersi, Siham Adan Odhowa, and Sabiriin Mohamoud Cali.
-
Local News7 months agoGovernor Walz Announces Minnesota Ranked as a Top State for Business
-
Local News4 months agoCelebrating Community: The Inaugural Samafal Gala at the Minnesota Somali Community Center
-
Community4 months agoYouth Leader and Mentor: Mohamed Jama’s Fight for Change in Whittier
-
Local News7 months agoSecretary Simon Named President of the National Association of Secretaries of State
-
Local News5 months agoBCA Identifies man shot by Minneapolis police after firing AK-47 in Minneapolis apartment building
-
Health3 months agoE. coli O157 infections linked to consumption of burgers from Twin Cities restaurants
-
Local News3 months agoDuqa magaaladda Minneapolis Jacob Frey ayaa qorsheynaya inuu mar kale isu soo taago doorashada Duqa Magaaladda
-
Videos3 months agoContracting: Mastering the Basics and Beyond – Nov 13th