Local News
Minneapolis oo lagu daah-furay buug cusub oo ah Sheeko carruureed
MINNEAPOLIS – Xarrunta Soomaal House of Art ayaa waxaa lagu daah-furay buug loogu magacdaray “When River Stopped Singing to Cloud” ee uu qoray Abdullahi Janno. Waxay sheekadu quseysaa Awoowe Rooble oo Minnesota ugu yimid reerkiisa. Awoowe Rooble wuxuu ku faraxsanaa in ay dib isku heleen wiilkiisa Magan iyo cunugga uu awoowga u yahay ee Mahad. Hayeeshee hal mar ayaa dareenkiisa isbeddelay kadib markii lagu martiqaaday in uu ku meyrto baafka weyn ee cad oo biyo laga buuxiyay.
Wuxuu Awoowe Rooble isugu yeerayaa Magan iyo Mahad si uu u xasuusiyo qiimaha biyaha iyo noloshii uu soo maray markuu tuullada ku noolaa isagoo wiil yar ah. Wuxuu Awoowe Rooble ina xasuusin in biyuhu ay yihiin haddiyad mudan in la beekhaamiyo, la dhawro, keliyana laga isticmaalo qeyb kugu filan. Wuxuu isagoo wiilashiisa la kaftamayo ku oranayaa, “Ma jeer baad i mooddeen markaad baafkan weyn ii dhaamiseen?”
Buuggan wuxuu si farshaxameysan carruurta u barayaa qiimaha iyo mudnaanta ay biyuhu leeyihiin – iyo in dad badan oo dunida ku noolna aysan heli karin biyo maalinle ah.
Waxaa buugga laga dalban karaa qoraaga: abdullahi.janno@gmail.com ama boggan ku xiran Shopify ee https://abdullahijanno.com/when-river-stopped-singing/. Iskoollada waxaa loo sameyn qiimo-dhimis ku aaddan beeca jumladda ah.
SAINT PAUL – Magaaladda St. Paul ee gobolka Minnesota ayaa bixisay dhamaan deymo la xiriira caafimaadka oo lagu lahaa 32,000 oo qof oo deggen magaaladda. Duqa magaaladda St. Paul iyo shaqaalaha howshan ka shaqeeyay ayaa todobaadkan waraaqo u diraya 32,000 oo qof oo ay u sheegayaan in dhamaan wixii dayn caafimaad ee lagu lahaa laga bixiyay, lagan tirtiri doono.
Arrintan oo aad loo hadal hayo ayaa waxaa balanqaaday duqa magaaladda St. Paul Melvin Carter markii uu ku jiray ololaha doorashadda ee dib loogu doortay. Haddaba magaaladda St. Paul ayaa tirtirtay daymo qiimo ahaan ah $40 milyan oo ah daymo la xiriira caafimaadka oo lagu lahaa dadka deggen magaaladda. Duqa magaalada St. Paul Melvin Carter ayaa sheegay in qorshahan looga golleeyahay in taageero la siiyo dadka daynta lagu leeyahay ee deggen magaaladda St. Paul si culeyksa dhaqaale looga qaado, loona garab qabto oo loo kaalmeeyo.
Local News
NINKII SHANTA GABDHOOD SHILKA KU DILAY OO DIIDAY HESHIIS QIRASHO AH, GO’AANSADAYNA IN MAXKAMAD LA HORGEEYO
MINNEAPOLIS – Derrick Thompson oo ah ninkii shanta gabdhood ee Soomaalida ah shil gaadhi ku dilay ayaa diiday heshiis qirasho ah oo ay haweenayda ah Xeer-ilaaliyaha Degmadda Hennepin soo hordhigtay, balse ninkan ayaa sheegay in uu beddelkeeda maxkamadayn doonayo. Ninkan ayaa ku eedaysan dil darajada saddexaad ah iyo dil baabuur oo lagu eedeeyay in uu baabuur ku dhacay oo uu dilay shan gabdhood oo saaxiibo ah isaga oo ka baxsanaya booliiska.
Bishii hore ayeey maxkamad heer federaal ah ninkan ku heshay dhowr dembi oo la xiriira dilka gabdhaha. Qareenada Degmadda Hennepin ayaa xaqiijiyay in Derrick Thompson iyo qareenada difaacaya ay diideen heshiiska qiraalka ah, iyaga oo door biday in dacwadda la billaabo Febraayo 18, 2025 oo maxkamad la aado.
Derrick Thompson ayaa lagu soo oogay shan dacwadood oo kala ah dil darajada saddexaad ah iyo 10 fal dambiyeed dil baabuur ah oo sababay dhimashada shan gabdhood oo dhallinyaro ah oo da’doodu u dhaxayso 17 ilaa 20 jir: Salma Mohamed Abdikadir, Sahra Liban Gesaade, Sagal Burhaan Hersi, Siham Adan Odhowa, and Sabiriin Mohamoud Cali.
Local News
Duqa magaaladda Minneapolis Jacob Frey ayaa qorsheynaya inuu mar kale isu soo taago doorashada Duqa Magaaladda
MINNEAPOLIS – Duqa magaaladda Jacob Frey ayaa sheegay inuu qorsheynayo inuu mar kale isu soo taago doorashada sannadka soo socda.
“Waxaan isku diyaarinayaa inaan noqdo musharax u tartamaya xilka duqa magaaladda, laakiin weli si rasmi ah uma shaacin,” Frey ayaa qoraal ku sheegay Isniintii.
Jacob Frey ayaa markii u horeysay loo doortay duqa magaaladda sannadkii 2017, isaga oo ka adkaaday Betsy Hodges. Jacob Frey ayaa ahaan jiray Gudoomiyaha Golaha Deegaanka ee degmadda 3-aad ee magaaladda Minneapolis 2014 ilaa 2018 inta uusan noqonin duqa magaaladda.
Xigashadda sawirka: Magaaladda Minneapolis
-
Local News1 month agoCelebrating Community: The Inaugural Samafal Gala at the Minnesota Somali Community Center
-
Local News4 months agoGovernor Walz Announces Minnesota Ranked as a Top State for Business
-
Community2 months agoYouth Leader and Mentor: Mohamed Jama’s Fight for Change in Whittier
-
Local News4 months agoSecretary Simon Named President of the National Association of Secretaries of State
-
Local News2 months agoBCA Identifies man shot by Minneapolis police after firing AK-47 in Minneapolis apartment building
-
Local News2 weeks agoNINKII SHANTA GABDHOOD SHILKA KU DILAY OO DIIDAY HESHIIS QIRASHO AH, GO’AANSADAYNA IN MAXKAMAD LA HORGEEYO
-
Health2 months agoAttention, Minnesota! Measles Outbreak Alert
-
Local News5 days agoMagaaladda St. Paul oo bixisay deymo lagu lahaa 32,000 oo qof