Local News
Musharax Suleiman Isse oo laga taageeray Minneapolis
Munaasabad lagu taageerayay musharax Suleiman Isse oo ka dhacday Magaalada Minneapolis
Munaasabad taageero loogu muujinayey ganacsadde Suleiman Isse oo ah musharax u taagan xilka senate-ka degmadda 59 ee gobolka Minnesota ayaa ka dhacday xarunta xafladaha ee Hadh Wanaag ee Magaalada Minneapolis habeenkii sabtida ee bishu ahayd June 13, 2020.
Munaasabadan taageerada buuxda loogu muujiyay musharax Suleiman Isse ayaa waxaa soo qabanqaabiyay qaar kamid ah Jaaliyadda Soomaaliyeed ee ku dhaqan magaalada Minneapolis iyo guud ahaanba gobolka Minnesota. Waxaa kasoo qayb galay munaasabaddan dhamaan qaybaha kala duwan ee bulshadda.
Kulankan oo si wanaagsan loo soo agaasimay, iyadda oo weliba la tix gelinayo kala fogaanshaha bulshadda ee looga hortago cudurka faafa ee Coronavirus ayaa si weyn loogu taageeray Suleiman Isse oo ah aqoon yahan dhallinyaro ah iyo ganacsadde Soomaaliyeed oo u tartamaya kursiga senate-ka degmadda 59-aad ee magaaladda Minneapolis, gobolka Minnesota.
Qaar kamid ah culumadda, aqoon yahaniinta, ganacsatadda, siyaasiyiinta, haweenka, dhallinyaradda iyo kuwa kale oo badan ayaa munaasabadan oo si wanaagsan loo soo agaasimay qudbado kale duwan ka jeediyay, iyada oo weliba la bogaadiyay musharxnimadda Suleiman Isse, laguna amaanay in uu yahay musharax leh xifrad, waayo aragnimo iyo aqoon uu xilka uu u tartamayo kaga soo bixi karo.
Munaasabadan ayaa kamid ah kulamo kala duwan oo lagu taagerayo tarkanka iyo loolanka siyaasadeed ee uu ku jiro musharax Suleiman Isse oo la tartamaya siyaasiga isagu xilka haya, haddana ku fadhiya kursiga degmadda 59-aad Senator Bobby Joe Champion. Suleiman Isse iyo Bobby Champion ayaa labaduba ka socda, kuna tartamaya codka xisbiga Dimuqoraadiga.
Kulanka lagu taagerayay ololaha iyo loolanka siyaasadeed ee uu ku jiro siyaasiga dhallinyarada ah ee Suleiman Isse ayaa ku soo dhamaaday si heersarre ah, waxaana ka soo baxay go’aamo iyo tallooyin wax tar leh oo taageero buuxda oo hiil iyo hooba leh lagula garab istaagayo musharax Suleiman Isse.
Wixii akhbaar dheerad ah ee ku saabsan musharaxnimadda Suleiman Isse waxaad ka heli kartaa bogga uu ku leeyahay internet-ka ee Suleimanforsenate.com ama Suleiman4senate.com .
SAINT PAUL – Magaaladda St. Paul ee gobolka Minnesota ayaa bixisay dhamaan deymo la xiriira caafimaadka oo lagu lahaa 32,000 oo qof oo deggen magaaladda. Duqa magaaladda St. Paul iyo shaqaalaha howshan ka shaqeeyay ayaa todobaadkan waraaqo u diraya 32,000 oo qof oo ay u sheegayaan in dhamaan wixii dayn caafimaad ee lagu lahaa laga bixiyay, lagan tirtiri doono.
Arrintan oo aad loo hadal hayo ayaa waxaa balanqaaday duqa magaaladda St. Paul Melvin Carter markii uu ku jiray ololaha doorashadda ee dib loogu doortay. Haddaba magaaladda St. Paul ayaa tirtirtay daymo qiimo ahaan ah $40 milyan oo ah daymo la xiriira caafimaadka oo lagu lahaa dadka deggen magaaladda. Duqa magaalada St. Paul Melvin Carter ayaa sheegay in qorshahan looga golleeyahay in taageero la siiyo dadka daynta lagu leeyahay ee deggen magaaladda St. Paul si culeyksa dhaqaale looga qaado, loona garab qabto oo loo kaalmeeyo.
Local News
NINKII SHANTA GABDHOOD SHILKA KU DILAY OO DIIDAY HESHIIS QIRASHO AH, GO’AANSADAYNA IN MAXKAMAD LA HORGEEYO
MINNEAPOLIS – Derrick Thompson oo ah ninkii shanta gabdhood ee Soomaalida ah shil gaadhi ku dilay ayaa diiday heshiis qirasho ah oo ay haweenayda ah Xeer-ilaaliyaha Degmadda Hennepin soo hordhigtay, balse ninkan ayaa sheegay in uu beddelkeeda maxkamadayn doonayo. Ninkan ayaa ku eedaysan dil darajada saddexaad ah iyo dil baabuur oo lagu eedeeyay in uu baabuur ku dhacay oo uu dilay shan gabdhood oo saaxiibo ah isaga oo ka baxsanaya booliiska.
Bishii hore ayeey maxkamad heer federaal ah ninkan ku heshay dhowr dembi oo la xiriira dilka gabdhaha. Qareenada Degmadda Hennepin ayaa xaqiijiyay in Derrick Thompson iyo qareenada difaacaya ay diideen heshiiska qiraalka ah, iyaga oo door biday in dacwadda la billaabo Febraayo 18, 2025 oo maxkamad la aado.
Derrick Thompson ayaa lagu soo oogay shan dacwadood oo kala ah dil darajada saddexaad ah iyo 10 fal dambiyeed dil baabuur ah oo sababay dhimashada shan gabdhood oo dhallinyaro ah oo da’doodu u dhaxayso 17 ilaa 20 jir: Salma Mohamed Abdikadir, Sahra Liban Gesaade, Sagal Burhaan Hersi, Siham Adan Odhowa, and Sabiriin Mohamoud Cali.
Local News
Duqa magaaladda Minneapolis Jacob Frey ayaa qorsheynaya inuu mar kale isu soo taago doorashada Duqa Magaaladda
MINNEAPOLIS – Duqa magaaladda Jacob Frey ayaa sheegay inuu qorsheynayo inuu mar kale isu soo taago doorashada sannadka soo socda.
“Waxaan isku diyaarinayaa inaan noqdo musharax u tartamaya xilka duqa magaaladda, laakiin weli si rasmi ah uma shaacin,” Frey ayaa qoraal ku sheegay Isniintii.
Jacob Frey ayaa markii u horeysay loo doortay duqa magaaladda sannadkii 2017, isaga oo ka adkaaday Betsy Hodges. Jacob Frey ayaa ahaan jiray Gudoomiyaha Golaha Deegaanka ee degmadda 3-aad ee magaaladda Minneapolis 2014 ilaa 2018 inta uusan noqonin duqa magaaladda.
Xigashadda sawirka: Magaaladda Minneapolis
-
Local News1 month agoCelebrating Community: The Inaugural Samafal Gala at the Minnesota Somali Community Center
-
Local News4 months agoGovernor Walz Announces Minnesota Ranked as a Top State for Business
-
Community2 months agoYouth Leader and Mentor: Mohamed Jama’s Fight for Change in Whittier
-
Local News4 months agoSecretary Simon Named President of the National Association of Secretaries of State
-
Local News2 months agoBCA Identifies man shot by Minneapolis police after firing AK-47 in Minneapolis apartment building
-
Local News2 weeks agoNINKII SHANTA GABDHOOD SHILKA KU DILAY OO DIIDAY HESHIIS QIRASHO AH, GO’AANSADAYNA IN MAXKAMAD LA HORGEEYO
-
Local News1 week agoMagaaladda St. Paul oo bixisay deymo lagu lahaa 32,000 oo qof
-
Health2 months agoAttention, Minnesota! Measles Outbreak Alert