Local News
Wasiir Sadiiq Warfaa oo kulan xog wareysi ah la yeeshay Jaalliyadda Soomaaliyeed ee Maraykanka
Wasiirka Shaqada iyo Arrimaha Bulshadda xukuumadda Federaalka ah ee Soomaaliya, Mudane Sadiiq Xirsi Warfaa ayaa kulan xog wareysi iyo casho Sharaf iskugu jira la yeeshay qaar kamid ah Jaalliyadda Soomaaliyeed ee Maraykanka ee ku dhaqan gobolka Minnesota habeenkii Arbacada, November 6, 2019.
Kulankan soo dhoweynta iyo xog wareysiga oo ahaa mid si heersare ah loo soo agaasimay ayaa waxaa goob joog ka ahaa madax Soomaaliyeed oo kala socday gobolka Minnesota iyo dalka Soomaaliya.
Madaxdii marti sharafta kamid ahaa ee goob jooga ku ahaa munaasabaddan ayaa waxaa kamid ahaa Wasiirku xigeenka Wasaaradda Caafimaadka iyo Daryeelka Bulshadda mudane Xildhibaan Mohamed Said Abdullahi, Xildhibaan Maxamud Nuur oo isagu ah xildhibaan kamid ah baarlamaanka gobolka Minnesota.
Waxaa sidoo kale goob joog ka ahaa munaasabadan wasiiro hore oo ay kamid ahaayeen wasiirad Nadiifo Maxamed Cusman oo ahayd wasiirkii hore ee Wasaaradda Howlaha Guud iyo Dib U Dhiska, Maxamed Xaaji Cabdi Nuur Madeer oo ahaan jiray wasiirka Caafimaadka Dowladda Soomaaliya iyo Maxamed Kaynaan oo ahaa xildhibaan iyo wasiirkii hore ee Ganacsiga iyo Warshaddaha.
Abwaanad Hibo Mohamed (Hibo Nuura) oo ka mid ahayd fanaaninta caan baxay ee magac iyo maamuus wayn ku leh bulshada Soomaliyeed ayaa iyaduna kamid ahayd marti sharafta ka qayb qaatay munaasabaddan. Waxaa kullankan ka qayb qaatay qaar kamid ah cullumada, haldoorka, ganacsatada, dhallinyaradda, aqoonyahaniinta, haweenka iyo hogaamiyeyaasha Soomaaliyeed ee iyagu ku dhaqan gobolka Minneosta.
Dr. Sheekh Xassan Jaamici oo kamid ah cullumadda, hogaamiyeyaasha iyo aqoonyahaniinta Soomaaliyeed eek u dhaqan gobolka Minnesota oo isagu qudbad dhinacyo badan taabanaysa munaasabadda ka jeediyay ayaa gudoonsiiyay Abaalmarin iyo billad Sharaf Wasiirka Shaqada iyo Arrimaha Bulshadda xukuumadda Federaalka ah ee Soomaaliya, Mudane Sadiiq Warfaa.
Kullanka iskugu jiray casho sharafta iyo xog wareysiga oo lagu qabtay Hotel-ka weyn ee Crowne Plaza ee ku yaala magaalada Bloomington, Minesota ayaa waxaa soo abaabulay Aden Ugas oo ka mid ah dhallinayarada Soomaaliyeed ee hadh iyo habeen u ola-oleeya arrimaha bulshadda iyo horumarka Jaalliyadda Soomaaliyeed.
Dhamaan marti sharaftii ka qayb gashay munaasabaddan xog wareysiga iyo casho Sharafta iskugu jirtay ayaa ku ammaanay Wasiir Sadiiq Warfaa da’daalkiisa iyo wax qabadkiisa muuqda ee la xiriira wasaarada uu hogaamiyaha u yahay. Mudane wasiir Sadiq Warfaa oo isagu adeega bulshadda iyo halganka siyaasadeed ka bilaabay magaalada Minneapolis ee gobolka Minnesota ayaa isagu u mahadceliyay dhamaan dadkii ka soo qaybgalay oo kulanka xog wareysiga ah, wuxuuna goobta ka jeediyay warbixin dhinacyo badan taabatay.
Local News
Hudda Ibrahim oo xil loo magacaabay islamarkaana ay ansixiyeen guddiga golaha deegaanka magaaladda Saint Cloud
Saint Cloud – Guddiga golaha deegaanka magaaladda Saint Cloud ee gobolka Minnesota ayaa Dr. Hudda Ibrahim u magacaabay in ay kamid noqoto guddiga gollaha deegaanka magaaladda Saint Cloud. Hudda ayaa qabanaysa xilkii uu hayey Jake Anderson oo bishii November loo doortay in uu noqdo duqa magaaladda Saint Cloud.
Dr. Hudda Ibrahim ayaa waxaa u codeeyay dhamaan xubnaha guddiga gollaha deegaanka magaaladda Saint Cloud ee gobolka Minnesota. Dr. Hudda Ibrahim ayaa taariikh cusub ka dhigtay magaaladda Saint Cloud. Waxay noqotay qofkii u horeeyay ee Soomaali ah ee xil dowladeed ka qabta magaaladda Saint Cloud.
Xigashadda sawiradda: Xidig TV
SAINT PAUL – Magaaladda St. Paul ee gobolka Minnesota ayaa bixisay dhamaan deymo la xiriira caafimaadka oo lagu lahaa 32,000 oo qof oo deggen magaaladda. Duqa magaaladda St. Paul iyo shaqaalaha howshan ka shaqeeyay ayaa todobaadkan waraaqo u diraya 32,000 oo qof oo ay u sheegayaan in dhamaan wixii dayn caafimaad ee lagu lahaa laga bixiyay, lagan tirtiri doono.
Arrintan oo aad loo hadal hayo ayaa waxaa balanqaaday duqa magaaladda St. Paul Melvin Carter markii uu ku jiray ololaha doorashadda ee dib loogu doortay. Haddaba magaaladda St. Paul ayaa tirtirtay daymo qiimo ahaan ah $40 milyan oo ah daymo la xiriira caafimaadka oo lagu lahaa dadka deggen magaaladda. Duqa magaalada St. Paul Melvin Carter ayaa sheegay in qorshahan looga golleeyahay in taageero la siiyo dadka daynta lagu leeyahay ee deggen magaaladda St. Paul si culeyksa dhaqaale looga qaado, loona garab qabto oo loo kaalmeeyo.
Local News
NINKII SHANTA GABDHOOD SHILKA KU DILAY OO DIIDAY HESHIIS QIRASHO AH, GO’AANSADAYNA IN MAXKAMAD LA HORGEEYO
MINNEAPOLIS – Derrick Thompson oo ah ninkii shanta gabdhood ee Soomaalida ah shil gaadhi ku dilay ayaa diiday heshiis qirasho ah oo ay haweenayda ah Xeer-ilaaliyaha Degmadda Hennepin soo hordhigtay, balse ninkan ayaa sheegay in uu beddelkeeda maxkamadayn doonayo. Ninkan ayaa ku eedaysan dil darajada saddexaad ah iyo dil baabuur oo lagu eedeeyay in uu baabuur ku dhacay oo uu dilay shan gabdhood oo saaxiibo ah isaga oo ka baxsanaya booliiska.
Bishii hore ayeey maxkamad heer federaal ah ninkan ku heshay dhowr dembi oo la xiriira dilka gabdhaha. Qareenada Degmadda Hennepin ayaa xaqiijiyay in Derrick Thompson iyo qareenada difaacaya ay diideen heshiiska qiraalka ah, iyaga oo door biday in dacwadda la billaabo Febraayo 18, 2025 oo maxkamad la aado.
Derrick Thompson ayaa lagu soo oogay shan dacwadood oo kala ah dil darajada saddexaad ah iyo 10 fal dambiyeed dil baabuur ah oo sababay dhimashada shan gabdhood oo dhallinyaro ah oo da’doodu u dhaxayso 17 ilaa 20 jir: Salma Mohamed Abdikadir, Sahra Liban Gesaade, Sagal Burhaan Hersi, Siham Adan Odhowa, and Sabiriin Mohamoud Cali.
-
Local News5 months agoGovernor Walz Announces Minnesota Ranked as a Top State for Business
-
Local News2 months agoCelebrating Community: The Inaugural Samafal Gala at the Minnesota Somali Community Center
-
Community3 months agoYouth Leader and Mentor: Mohamed Jama’s Fight for Change in Whittier
-
Local News5 months agoSecretary Simon Named President of the National Association of Secretaries of State
-
Local News3 months agoBCA Identifies man shot by Minneapolis police after firing AK-47 in Minneapolis apartment building
-
Local News2 months agoNINKII SHANTA GABDHOOD SHILKA KU DILAY OO DIIDAY HESHIIS QIRASHO AH, GO’AANSADAYNA IN MAXKAMAD LA HORGEEYO
-
Videos2 months agoContracting: Mastering the Basics and Beyond – Nov 13th
-
Local News1 month agoMagaaladda St. Paul oo bixisay deymo lagu lahaa 32,000 oo qof