Local News
Wiil ka ganacsanayey kiniinadda ay dhallinyaradu u dhintaan oo la xiray
Wiil Soomaali ah ayaa loo xiray ka ganacsiga kiniinadda maandooriyeyaasha ah ee Fentanyl. Xeer ilaaliyaha dowladda Mareykanka u fadhiya gobolka Minnesota Erica H. MacDonald ayaa maanta ku dhawaaqay in ay maxkamad federaali ah ay xukun ku soo oogtay MOHAMED SALAH HUSSEIN, oo 25 jir ah.
Mohamed Salah Hussein ayaa lagu soo oogay dacwad ah in uu damacsanaa qaybinta, faafinta iyo ka ganacsiga kiniinadda maandooriyaasha ah ee loo yaqaano fentanyl.
Wiilkan Soomaaliga ah ayaa markii hore dacwadda loo haysto lagu soo oogay bishii Feberaayo 13, 2020. Mohamed Salah Hussein ayaa hadda ku jiraa xabsi kuyaala degmadda Sherburne iyada oo la sugayo in dacwado kale maxkamad loo keeno.
Sida ku xusan eedeymaha ku jira dacwadda iyo dukumiintiyada maxkamadda laga soo gudbiyey wiilkan Soomaaliga ah, laga bilaabo bishii Noofembar 2019 illaa Febraayo 11, 2020, Maxamed ayaa qaybinayey, kana ganacsanyey kiniiniga fentanyl-ka ah oo aad u fara badan.
Bishii Febraayo 11, 2020, saraakiisha fulinta sharciga ee qaabilsan la dagaalanka maandooriyeyaasha iyo hubka ayaa amar maxkamad ay soo saartey ku soo xiray Mohamed, isaga oo jooga guri uu ka daganaa koonfurta magaaladda Minneapolis. Guriga uu wiilkani degenaa ayaa laga helay ku dhawaad 1,000 kiniiniyada fentanyl iyo lacag dhan $ 31,285.
Kiiskan iyo baaritaanka lagu soo xiray wiilkan Soomaaliga ah ayaa waxaa ka wada shaqayeeyay Xafiiska Khamriga, Tubaakada, Hubka, iyo waxyaabaha Qarxa, Maamulka Dhaqangelinta Maandooriyaha, Waaxda Boliiska Minneapolis, iyo Waaxda Sheriff Degmadda Hennepin.
Kaaliyaha Qareenka Mareykanka David P. Steinkamp iyo Justin Wesley ayaa dacwada qaadaya oo iyagu gacanta ku haya dawadan ka dhanka ah Mohamed Salah Hussein.
Dhallinyaro baddan oo Soomaali ah ayaa u dhintay isticmaalka kiniinka fentanyl-ka. Kiniinkan ayaa ah maandooriye macmil ah oo halis ah. Dhallinyaradda u dhimatay isticmaalka kiniinkan ayaa waxaa ka baddan inta dhaawaca ku noqotay ee dhakhtar u gashay qaadashada kiniinkan. Waxaa jira dhallinyaro ilaa iyo hadda dhakhaatiir u jiifa dhaawac caafimaad iyo halis ka soo gaartay isticmaalka iyo qaadashadda kiniinkan.
Wiilkan ayaa noqonayaa qofkii u horeeyay ee Soomaali ah ee lagu soo oogo dacwad la xiriirta kiniinka iyo maandooriyaha fentanyl-ka. Inta baddan dad kale oo aan Soomaali ahayn ayaa loo xiraa ama lagu soo oogaa dacwado la xiriira kiniinkan maandooriyaha ah.
https://www.justice.gov/usao-mn/pr/minneapolis-man-indicted-fentanyl-distribution-chargesHalkan ka akhriso dacwadda lagu soo oogay Mohamed Salah Hussein.
Local News
Hudda Ibrahim oo xil loo magacaabay islamarkaana ay ansixiyeen guddiga golaha deegaanka magaaladda Saint Cloud
Saint Cloud – Guddiga golaha deegaanka magaaladda Saint Cloud ee gobolka Minnesota ayaa Dr. Hudda Ibrahim u magacaabay in ay kamid noqoto guddiga gollaha deegaanka magaaladda Saint Cloud. Hudda ayaa qabanaysa xilkii uu hayey Jake Anderson oo bishii November loo doortay in uu noqdo duqa magaaladda Saint Cloud.
Dr. Hudda Ibrahim ayaa waxaa u codeeyay dhamaan xubnaha guddiga gollaha deegaanka magaaladda Saint Cloud ee gobolka Minnesota. Dr. Hudda Ibrahim ayaa taariikh cusub ka dhigtay magaaladda Saint Cloud. Waxay noqotay qofkii u horeeyay ee Soomaali ah ee xil dowladeed ka qabta magaaladda Saint Cloud.
Xigashadda sawiradda: Xidig TV
SAINT PAUL – Magaaladda St. Paul ee gobolka Minnesota ayaa bixisay dhamaan deymo la xiriira caafimaadka oo lagu lahaa 32,000 oo qof oo deggen magaaladda. Duqa magaaladda St. Paul iyo shaqaalaha howshan ka shaqeeyay ayaa todobaadkan waraaqo u diraya 32,000 oo qof oo ay u sheegayaan in dhamaan wixii dayn caafimaad ee lagu lahaa laga bixiyay, lagan tirtiri doono.
Arrintan oo aad loo hadal hayo ayaa waxaa balanqaaday duqa magaaladda St. Paul Melvin Carter markii uu ku jiray ololaha doorashadda ee dib loogu doortay. Haddaba magaaladda St. Paul ayaa tirtirtay daymo qiimo ahaan ah $40 milyan oo ah daymo la xiriira caafimaadka oo lagu lahaa dadka deggen magaaladda. Duqa magaalada St. Paul Melvin Carter ayaa sheegay in qorshahan looga golleeyahay in taageero la siiyo dadka daynta lagu leeyahay ee deggen magaaladda St. Paul si culeyksa dhaqaale looga qaado, loona garab qabto oo loo kaalmeeyo.
Local News
NINKII SHANTA GABDHOOD SHILKA KU DILAY OO DIIDAY HESHIIS QIRASHO AH, GO’AANSADAYNA IN MAXKAMAD LA HORGEEYO
MINNEAPOLIS – Derrick Thompson oo ah ninkii shanta gabdhood ee Soomaalida ah shil gaadhi ku dilay ayaa diiday heshiis qirasho ah oo ay haweenayda ah Xeer-ilaaliyaha Degmadda Hennepin soo hordhigtay, balse ninkan ayaa sheegay in uu beddelkeeda maxkamadayn doonayo. Ninkan ayaa ku eedaysan dil darajada saddexaad ah iyo dil baabuur oo lagu eedeeyay in uu baabuur ku dhacay oo uu dilay shan gabdhood oo saaxiibo ah isaga oo ka baxsanaya booliiska.
Bishii hore ayeey maxkamad heer federaal ah ninkan ku heshay dhowr dembi oo la xiriira dilka gabdhaha. Qareenada Degmadda Hennepin ayaa xaqiijiyay in Derrick Thompson iyo qareenada difaacaya ay diideen heshiiska qiraalka ah, iyaga oo door biday in dacwadda la billaabo Febraayo 18, 2025 oo maxkamad la aado.
Derrick Thompson ayaa lagu soo oogay shan dacwadood oo kala ah dil darajada saddexaad ah iyo 10 fal dambiyeed dil baabuur ah oo sababay dhimashada shan gabdhood oo dhallinyaro ah oo da’doodu u dhaxayso 17 ilaa 20 jir: Salma Mohamed Abdikadir, Sahra Liban Gesaade, Sagal Burhaan Hersi, Siham Adan Odhowa, and Sabiriin Mohamoud Cali.
-
Local News5 months agoGovernor Walz Announces Minnesota Ranked as a Top State for Business
-
Local News2 months agoCelebrating Community: The Inaugural Samafal Gala at the Minnesota Somali Community Center
-
Community3 months agoYouth Leader and Mentor: Mohamed Jama’s Fight for Change in Whittier
-
Local News5 months agoSecretary Simon Named President of the National Association of Secretaries of State
-
Local News3 months agoBCA Identifies man shot by Minneapolis police after firing AK-47 in Minneapolis apartment building
-
Local News2 months agoNINKII SHANTA GABDHOOD SHILKA KU DILAY OO DIIDAY HESHIIS QIRASHO AH, GO’AANSADAYNA IN MAXKAMAD LA HORGEEYO
-
Videos2 months agoContracting: Mastering the Basics and Beyond – Nov 13th
-
Local News1 month agoMagaaladda St. Paul oo bixisay deymo lagu lahaa 32,000 oo qof