Local News
Yusra oo daah-furtay ololaha ay ugu jirto xilka golaha gudoonka degmadda 2-aad ee Minneapolis
Yusra Arab oo ah musharax u taagan golaha gudoonka degmadda 2-aad ee magaaladda Minneapolis ayaa si rasmi ah u daah-furtay ololaha iyo loolanka ay ugu jirto xilka iyo jagadda golaha gudoonka degmadda 2-aad ee magaaladda Minneapolis.
Munaasabad si wanaagsan loo soo agaasimay oo xalay ka dhacday magaalada Minneapolis ayaa lagu shaaciyay musharixnimadda Yusra Arab. Yusra Arab ayaa kamid ah siyaasiyiinta iyo hogaamiyeyaasha dhallinyarada ah ee ku dhaqan magaaladda Minneapolis.
Musharax Yusra Arab ayaa ah shaqsi aqoon iyo waayo aragnimo u leh xilka iyo jagadda ay u tartamayso. Yusra ayaa magaalada Minneapolis ku dhamaysay waxbarashadda dugsiga sarre, waxay Jaamacadda Minnesota ka qaatay Shahaadada Bachelor-ka ee Cilmiga Siyaasadda iyo Xiriirka Caalamiga. Sidoo kale Yusra ayaa shahaadada Master-ka ku qaadatay Daryeelka Caafimaadka iyo Adeegyada Aadanaha iyada oo ka qalin jabisay Jaamacadda Saint Mary.
Yusra ayaa mudo afar sanno ah ka shaqaynaysay Xarunta dawladda hoose ee Minneapolis oo ah goobta looga arrimiyo magaaladda Minneapolis. Waxay musharax Yusra horey usoo ahayd macallin dhiga dugsigadda hoose. Musharax Yusra ayaa xogogaal u ah in baddan oo kamid ah baahida dadweynaha ku dhaqan degmadda 2-aad ee ay tartanka ugu jirto, baahida bulshadda Soomaaliyeed iyo guud ahaanba adeegyadda ay u baahan yihiin shicibka ku dhaqan magaaladda Minneapolis iyo xaafadaha ay degmadda 2-aad ka kooban yihiin.
Waxaa madashii iyo munaasabadii lagu daah-furay ololaha musharax Yusra Arab ka soo qayb galay qaar kamid ah madaxda, hal-doorka iyo qaybaha kala duwan ee bulshadda Soomaaliyeed. Qaar kamid ah dadkii qudbadaha ka jeediyay kulankan ayaa aad uga hadlay waayo aragnimadda, aqoonta, hogaan wanaaga iyo dadaalka dheeradka ah ee ay musharax Yusra Arab leedahay.
Dadkii iyo madaxdii goobta ka hadlay ayaa ku dhiirigeliyay dhamaan bulshadda Soomaaliyeed in ay garab istaagaan musharax Yusra Arab oo ay ku taageeraan Hiil iyo Hooba. Waxaad akhbaar dheerad ah oo ku saabsan musharax Yusra iyo ololaha siyaasadeed ee ay ku jirto ka daalacan kartaa bogga ama website-ka https://www.yusraarab.com/
Xigashadda Sawiradda: Daus Xared
Local News
Hudda Ibrahim oo xil loo magacaabay islamarkaana ay ansixiyeen guddiga golaha deegaanka magaaladda Saint Cloud
Saint Cloud – Guddiga golaha deegaanka magaaladda Saint Cloud ee gobolka Minnesota ayaa Dr. Hudda Ibrahim u magacaabay in ay kamid noqoto guddiga gollaha deegaanka magaaladda Saint Cloud. Hudda ayaa qabanaysa xilkii uu hayey Jake Anderson oo bishii November loo doortay in uu noqdo duqa magaaladda Saint Cloud.
Dr. Hudda Ibrahim ayaa waxaa u codeeyay dhamaan xubnaha guddiga gollaha deegaanka magaaladda Saint Cloud ee gobolka Minnesota. Dr. Hudda Ibrahim ayaa taariikh cusub ka dhigtay magaaladda Saint Cloud. Waxay noqotay qofkii u horeeyay ee Soomaali ah ee xil dowladeed ka qabta magaaladda Saint Cloud.
Xigashadda sawiradda: Xidig TV
SAINT PAUL – Magaaladda St. Paul ee gobolka Minnesota ayaa bixisay dhamaan deymo la xiriira caafimaadka oo lagu lahaa 32,000 oo qof oo deggen magaaladda. Duqa magaaladda St. Paul iyo shaqaalaha howshan ka shaqeeyay ayaa todobaadkan waraaqo u diraya 32,000 oo qof oo ay u sheegayaan in dhamaan wixii dayn caafimaad ee lagu lahaa laga bixiyay, lagan tirtiri doono.
Arrintan oo aad loo hadal hayo ayaa waxaa balanqaaday duqa magaaladda St. Paul Melvin Carter markii uu ku jiray ololaha doorashadda ee dib loogu doortay. Haddaba magaaladda St. Paul ayaa tirtirtay daymo qiimo ahaan ah $40 milyan oo ah daymo la xiriira caafimaadka oo lagu lahaa dadka deggen magaaladda. Duqa magaalada St. Paul Melvin Carter ayaa sheegay in qorshahan looga golleeyahay in taageero la siiyo dadka daynta lagu leeyahay ee deggen magaaladda St. Paul si culeyksa dhaqaale looga qaado, loona garab qabto oo loo kaalmeeyo.
Local News
NINKII SHANTA GABDHOOD SHILKA KU DILAY OO DIIDAY HESHIIS QIRASHO AH, GO’AANSADAYNA IN MAXKAMAD LA HORGEEYO
MINNEAPOLIS – Derrick Thompson oo ah ninkii shanta gabdhood ee Soomaalida ah shil gaadhi ku dilay ayaa diiday heshiis qirasho ah oo ay haweenayda ah Xeer-ilaaliyaha Degmadda Hennepin soo hordhigtay, balse ninkan ayaa sheegay in uu beddelkeeda maxkamadayn doonayo. Ninkan ayaa ku eedaysan dil darajada saddexaad ah iyo dil baabuur oo lagu eedeeyay in uu baabuur ku dhacay oo uu dilay shan gabdhood oo saaxiibo ah isaga oo ka baxsanaya booliiska.
Bishii hore ayeey maxkamad heer federaal ah ninkan ku heshay dhowr dembi oo la xiriira dilka gabdhaha. Qareenada Degmadda Hennepin ayaa xaqiijiyay in Derrick Thompson iyo qareenada difaacaya ay diideen heshiiska qiraalka ah, iyaga oo door biday in dacwadda la billaabo Febraayo 18, 2025 oo maxkamad la aado.
Derrick Thompson ayaa lagu soo oogay shan dacwadood oo kala ah dil darajada saddexaad ah iyo 10 fal dambiyeed dil baabuur ah oo sababay dhimashada shan gabdhood oo dhallinyaro ah oo da’doodu u dhaxayso 17 ilaa 20 jir: Salma Mohamed Abdikadir, Sahra Liban Gesaade, Sagal Burhaan Hersi, Siham Adan Odhowa, and Sabiriin Mohamoud Cali.
-
Local News5 months agoGovernor Walz Announces Minnesota Ranked as a Top State for Business
-
Local News2 months agoCelebrating Community: The Inaugural Samafal Gala at the Minnesota Somali Community Center
-
Community3 months agoYouth Leader and Mentor: Mohamed Jama’s Fight for Change in Whittier
-
Local News5 months agoSecretary Simon Named President of the National Association of Secretaries of State
-
Local News3 months agoBCA Identifies man shot by Minneapolis police after firing AK-47 in Minneapolis apartment building
-
Local News2 months agoNINKII SHANTA GABDHOOD SHILKA KU DILAY OO DIIDAY HESHIIS QIRASHO AH, GO’AANSADAYNA IN MAXKAMAD LA HORGEEYO
-
Videos2 months agoContracting: Mastering the Basics and Beyond – Nov 13th
-
Local News1 month agoMagaaladda St. Paul oo bixisay deymo lagu lahaa 32,000 oo qof